" والله لسة بدرى والله ياشهر الصيام "
بجد كل سنة رمضان بيعدى وبيخلص اسرع م السنة اللى قبلها ...
وعلى أد فرحة العيد والزيارات والاهل والاصحاب وكل الحاجات الحلوة اللى بتيجى مع العيد .
الا انى بجد كان نفسى رمضان السنة دى بالخصوص مايخلصش ..
وزعلت جدا امبارح لما سمعت على قناة اقرأ انه يمكن يبقى العيد عندنا النهاردة ..
بس الحمد لله .. فى مصر العيد بكرة لسة ..
نفسى اليوم النهادرة مش يخلص بجد ..
بس كدا كدا هيخلص... والاكتر من كدا كمان ..العيد هيخلص .. وهنرجع للدراسة تانى .. وربنا يستر ..
المهم بقى كل سنة وانتو طيبين ... وربنا يعود الايام علينا وعليكم بألف خير وسعادة وهنا
يــــارب
دلوقتى بقى بدأت مظاهر العيد .. الغنوة اللى مش متخيلة العيد يجى من غير ما اسمعها
" ياليلة العيد"
بجد بتاخدنى فى مود حلو اوى .. ولازم اثمعها فى التلفزيون بالصدفة ..ماينفعش اى حاجة تانية..
التليفونات والمسجات ..والبجاما الجديدة :) واتفقات عشان صلاة العيد .. يارب اقدر اصحى وأروح ..
ولو ان .. حبيبتى الغالية .. هبة ممدوح مسافرة
واليوم مش هيبقى له طعم من غيرها.. بس ربنا يجيبها بالسلامة وتكون مبسوطة يارب.
والمهم برضه يارب تكونوا حاسين بفرحة العيد .. وتزورا قرايبكم واصحابكم .. وتعملوا كل اللى انتو عايزينه ..
كل سنة وانتو طيبيــــــــن
:)
سلااااامز
MeMe
9 Yorum var:
كلللل سنة وانتى طيبة يامميمى ..
أنا عملت اللى احنا اتفقنا عليه اهو ..أخيراااااااااا ;)..اوعى تسيحيلى علنى :-P
يلا كل سنة وانتى طيبة ياميمى وبخير يارب ..أنا اول واحدة ارد عليكى اهو :-*
يلا عيد سعييييد عليكوا كلكوا :)
سلام
لولولولى انا تانى واحده :)
كل سنه وانتى طيبه يا ميمى يا جميل
ويارب البت هبه تقضى عيد سعيد ف اسكندريه وجو اسكندريه
وكل سنه اونتى طيبه يا عثل انتا يا قمر :))
انتى نسيتى حاجه مهمة انتى عملتيها امبارح استعدادا للعيد
عملتيها الساعة 1 وشويه هههههههههههه
افتكريها بقه p: ساعة ماقولتيلى
"ثويه صغننين وجاى " هههههه
افتكرتى !!
كل سنة وانتى طيبة ياجميل
ويارب يبقه عيد سعيد عليكى وع كل المسلمين
كل سنة وانت طيبة :)
كل سنه وانتى طيبه ياميمى عيد سعيد عليكى ياجميل :)
كل سنة وانتى طيبة ياايمان وبخير دايما وتحققى كل اللى بتتمنيه
وعيد سعيد عليكى ان شاء الله
ســــــــــــــلام
كل سنه وكل المسلمين بخير
عيدك سعيد
ليكوريكا
متأخرة كالعادة يعنى :(
بس يالا والله ظروف العيد وكده
وكل سنة وأنتى طيبة ياجمييييييييييييييل
وميرسى جداااا ع اللى عملتيه فى بلوج هبه ماشى ماشى :( :(
المهم أنا داخلة أعيد عليكى وخلاص اللى حصل ده بقى حسابه بعدين
وعيد سعيييد ياحبيبتى وربنا يعيده عليكى بكل خييييير
يالا سلام ياحبيبتى
:):):)
كل سنة وانتى طيبه يابنوتى يا قمر انتى
والله يابت انتى وحشتنينى موووووووووت
وجايلك سلاماااااات كتييييييره اوىىى من اسكندريه كلها
والحمدلله قضيت عيد سعيد زى ما البت هبه بتقول كفايه انى كنت ف اسكندريه وجو اسكندريه وبحر اسكندريه واهل اسكندريه
بجد الله الله الله عل اسكندريه حاجه كده تحفه روووووعه فوق الوصف كفايه كده عشان هاموووت وارجع هناك تانى :((
بس العيد ده كان ناقصه حاجه انى ماروحتش صليت العيد زى كل سنه
يمكن دي الحاجه الوحيده اللى محسستنيش بالعيد وكنت مفتقداكى اوىىى يا حبى والله ومفتقده كل العيال....
يلا يابت انتى كفايه عليكى كده ولما اشوفك بكره هاصدعك من كتر اللك والكلام
سلاااااااام يا حبيبتى
وغدااا القاكى ان شاء الله ف يوم مرمطه جديد :)):)):))
Sen de yaz