عمرك سألت نفسك الاسئلة دى ؟؟وجاوبت عليها .. على طول؟
- انت مين؟
- بتحب ايه ؟
- بتكره ايه؟
- ايه اللى بيفرحك؟؟
- ايه اللى بيحزنك؟؟
- ناوى على ايه؟
- بتفكر ازاى؟
- بتحلم بمين؟
-شايف نفسك ازاى؟
- انت صح ولا غلط؟
- الصداقة يعنى ازاى فى وجهة نظرك؟
- ايه اللى محتاجه فى حياتك؟
- اكتر حاجة مهمة فى حياتك ايه؟
- بتتقبل النصيحة ؟؟ ولا بيكون ايه موقفك بالضبط؟
- بيهمك رأى الناس ؟
- الناس شايفاك زى ماانت فعلا ولا بصورة تانية انت مش عارفها؟
- رأيك فى الناس بتقوله بصراحة واللى فى قلبك بتقوله ولا لا؟
- مجاملة الناس .. بتعتبرها نفاق؟
- ايه موقفك وانت بتعمل حاجة غلط أو حتى بتفكر تعملها..
بتكون عارف انها غلط بس بتبرر موقفك بأى عذر تانى؟
ولا بتكون عارف انها غلط وبتتلذذ بأنك تغلط؟؟
ولا مابتكونش عارف انها غلط اصلا؟
- امتى بيبقى نفسك تعمل حاجة أوووى ومابتقدرش تعملها؟
- عمرك حسيت بضعفك؟؟ لو أه امتى؟
- وامتى برضه بتكون اقوى مايكون؟
- ياترى لما بتكون زعلان أو متضايق .. بتحاول تطلع من اللى انت فيه؟ ازاى ؟و ليه؟
- عمرك قلت لنفسك ...انا مش مكتوب لى الفرح ..؟؟ وامتى؟
تصدقوا انى .. مكنتش ناوية اكتب خالص ... وكنت فى طريقى انى امسح البلوج خالص اصلا؟
:( وهطفى الجهاز وأنام وربنا
بس مش عارفة ليه كتبت وليه كتبت الاسئلة الغريبة دى ..بس ...بقيت اسألها لنفسى كتير ..
وانتو؟؟
الغنوة دى بقى من يوم ماسمعتها وهى معلقة معايا جدا ..
سألت نفسى كتير مارسيتش يوم على بر ..
انا اللى فيا الخير ولا اللى فيا الشر ..
مليان عيوب ولا خالى م الذنوب ولا ؟؟ ولا ايه؟؟
ولا انا جوايا .. ومش دارى باتنين فى بعض؟؟
وخمسوميت حاجة وملهومش دعوة ببعض ؟
انا مين وفين انا ايه؟؟
مفروش طريقى بورد ولا الزمان دا انا فيه أضعف واحد ع الارض؟
انا اللى فيا الخير ولا اللى فيا الشر؟
سألت نفسى كتير ..
مارسيتش يوم على بر...
طبعا الكلمات ..
لــ
أيمن بهجت قمر ..
وسلااااااااااامز
MeMe
10 Yorum var:
meme
بما ان انا ياسمين وانتى اكيد عارفانى
فاحب اقولك بجد ان الاسئلة دى بتتسأل بشكل يومى وخاصة قبل منام
وكالعاده مش بعرف اجاوب عليها اوقات كتييير اوووى
ياريت لما تعرفى الاجابه قوليلى عشان تقريبا هتبقى نفس الاجابات بتاعتى
موضوع مكنتش احب اول لما ارجع وافتح البلوج الاقيه
بس ياريت تطلعى من المود ده قبل الصبح عشان مينفعش اشوفك يابت كده
مقدرش وربنا :-*
سلام
السلام عليكم
اه يا ميمي
قلقان انا من كلمتين الاحباط اللي بعد الاسئلة دول
وهقفل البلوج وحجات كده
لكن عايز اقولك ان ده مش قرارك لواحدكفي ناس كتير تانيه امرك يهمهم وبيحبوا يقرأو كتاباتك
ومينفعش تعملي كده من غير ماترجعيلهم
الاسئله دي كلنا بيجيلنا اوقات نسألها لكن الحقيقه الواحده اللي عايزك تعرفيها ان الدنيا مفيهاش راحة
تحيات اخوكي برقش
يااااااااه ياميمى
والله يابنتى بسالها لنفسى كتير والله
وساعات الاقى اجابة وساعات لا وبيبقى مود إكتئاب بقى مايعلم بيه الا ربنا
وبعدين اهدى كده وسيبك الافكار الوحشة دى بلوجتك ايه يابنتى اللى تقفليها مينفعش طبعا خالص يعنى
وبجد لو جيتى تدورى هتلاقى الدنيا دى كل يوم بتعرفى فيها حاجة سواء حلوة بقى او وحشة ويالا ادينى عايشين فيها وبنتعلم ويارب نتعلم
سلام ياجميل
ممممممممم
كل واحد اكيد بيسأل نفسه الاسئلة دى
بس معرفش احنا ليه دايما بنبحث عن المتاعب .. انا بحاول بقدر الامكان اعيش كل لحظة باحساسها وانسى امبارح ..
بس قوليلى كل ده من الفرحين p:
ولا انتى الى كنتى سخنة (;
حكاية انك تمسحى البلوج بطلى هبل
بجد مواضيعك كلها حلوة
وروسوماتك نزلى بقه شخابيط جديدة D:
ادعيلى يابت شكلى بودع )):
ايه نظام تقليب المواجع ده ياايمان
انتى كنتى تقومى تنامى احسن يابنتى
عموما ربنا معاكى ويعديها على خير
ســــــــــــلام واشوفك على خير
"ياريت لما تعرفى الاجابه قوليلى عشان تقريبا هتبقى نفس الاجابات بتاعتى "
ايه دا يابت انتى..؟ انا حاطة الاسئلة عشان يتجاوب عليها على فكرة .. بس عامة .. اطمنى اول ماأعرف الاجابات .. هغششك على طووووول بس ادعى لى اعرفها ..بسرعة وربنا يستر
"بس ياريت تطلعى من المود ده قبل الصبح عشان مينفعش اشوفك يابت كده "
والله يا سيما انا كنت تمام .. بس الظاهر الحاجات دى بتبقى موجودة فى الاعماق مستخبية .. وكدا ..
الحمد لله
ربنا يخليكى ليا ..
:*
سلامز ياقمر
"قلقان انا من كلمتين الاحباط اللي بعد الاسئلة دول"
لا ماتقلقش يادكتور .. ميمى تمام الحمد لله .. بس هما أوقات الحاجات المدفونة دى بتطلع ..مع أى حبة هوا..
وبالنسبة لقفل البلوج ..
طالما دا رأى حضرتك .. يبقى .. خلاص مفيش داعى انى افكر فى الموضوع اصلا ..
ربنا يستر.
ويارب على طول تنور البلوج ويبقى دا رأيك فيها .
وشكــــرا ع المرور
سلااااااااامز
Roody
حبيبى والله .. منورة وكنت عسل النهاردة على فكرة .. عقبال خطوبتك يابت.
انا نفسى والله افضل على طول عارفة اجابات الاسئلة وربنا يستر ..
ويبعد عننا المود الوحش .. على طول يارب..
وعلى رأيك اديناعايشين وبنتعلم.
سلامز ياحبى :*
e_ emy :
والله يابنتى اكيد مفيش حد بيدور على قلة راحته ولا المتاعب والكلام دا .. هى اللى بتدور علينا على فكرة .
"بس قوليلى كل ده من الفرحين p:"
والله يابنتى اليوم دا سواء فى الجامعة أو فى الفرحين .. من أجمل ايام حياتى والله ..
بس هى المشكلة فى أخويا اللى كان سخن .. بقى ونكد عليا ..
الحمد لله قام بالسلامة وعاد من جديد عشان يرخم عليا .
mirage
والله يابت مااقصد خالص .. احنا اسفين ياختى ..
وانا قمت نمت بعدها على فكرة ..أينعم فضلت طول الليل مش جى لى نوم . .. بس خير .. ان شاء الله ..
اشوفك على خير .. نورتى .
سلااااااامز
Sen de yaz