عوكل الجن بقى ...شبح...

ماعلينا ... عادى خالص ... ومعقول جدااا ... لما ضغطى يبقى 70/40.... وفى نفس ذات الوقت ...درجة حرارتى 35....

يعنى .. فعلا فى تعداد الاموات ...يعنى ميمى بقت شبح....

لأ والحمد لله ... كمان ... تلاقوا ...برد.... وصوتى رايح ... وحاسة انى مهيسة تهيس مش طبيعى .... أنا مش عارفة والله لسة ايه تانى ...هيجى لى ولا هيروح من عندى

بس الحمد لله .. والله كويس انها بتيجى على هذا الحد ...

ماهو ياجماعة اللى بيحصل لنا وحوالينا دا مش شوية ...وكويس ان بيحصل للأفعال ردود أفعال...

يلا الحمد لله.... وربنا يخرجنا من اللى احنا فيه دا على خير ... والكلية دى مش تجيب لى ... حاجة تانية ..

ونخلصها على خير..... يارب....

إدعو لنا......

نزار قبانى .......حبيبتى والمطر

حبيبتى والمطر...

خاف أن تمطر الدنياولست معى ...

فمنذ رحلت وعندى عقدة المطر...

كان الشتاء يغطينى بمعطفه...

فلا أفكر فى برد ولا ضجر...

وكانت الريح ... تعوى بنافذتى

فتهمسين: تمسك ها هنا .. شعرى

والأن أجلس والامطار تجلدنى

على ذراعى على وجهى ..على ظهرى ..

فمن يدافع عنى يا مسافرة ... مثل اليمامة..بين العين والبصر

وكيف أمحوك من أوراق ذاكرتى

وانت فى القلب..مثل النقش فى الحجر

أنا أحبك ..يامن تسكنين دمى

ففيك شيء من المجهول أدخله

وفيك شىء من التاريخ والقدر

نزار قبانى .....

احساس مفقود

احساس مفقود

أجمل احساس يمكن ان يوجد فى هذا الكون ... هو مايسمى بالحب الصادق

...

ولكن تكمن المشكلة فى صدقه ....

هذه الايام تظهر كلمات الحب ... عندما تكمن المصلحة فى باطن من يقول كلمة احبك

وفى أقل وقت يتغير الاحوال بمجرد ان تنتهى هذه المصلحة بين الطرفين

طوال عمرى لم أقابل ولو احد يظل يحب للنهاية ... سوى المشاعر الربانية ... الغريزية الموجودة ... كالأمومة

ولكن المشكلة فى مسأة انتظارى لشخص ... ما يعطنى هذا احب الذى افتقده ... من دون انتظار مقابل او مصلحة ... شخص يحب من اجل الحب ..

فى الفترة الاخيرة رأيت الكثير من المشاهد التى تؤكد بصفة حتمية على انه لايوجد ... مايسمى بالحب الصادق

كلها مسميات كاذبة لما تسمى بالمصلحة وغيرها ...

حقاا أشعر الان بأن الحب الذى كنت انتظره طوال عمرى السابق .... الحب الصادق ... غير موجود سوى بمجرد كلمات داخل الاغانى

والأفلام وغيرهاا... مما هو يعطينى مظهر على انه مجرد كلام ... وغير موجود ولن يوجد بالواقع

حقا انا الان شبه محطمة ويائسة من مثل .. هذه الحياة التى لا يمكننا حتى ان نحب بصدق...

فماذا يعد فيهاا ؟؟؟؟

احساس مفقود

وسيظل مفقود

للاسف وبكل أسفى

كلام الناس .... وسؤال أخر

سلام عليكم ورحمة الله وبركاته

النهاردة واحدة صاحبتى سألتنى فى حاجة بس حقيقى اتحيرت
وردى عليها كنت مترددة فيه .. بس رسيت عليه
ممكن الموضوع يبقى بسيط .... بس..
المهم .. الموضوع انه فى واحدة معينة (س) أسلوب حياتها غريب شوية وتصرفاتها كمان ولبسها وطريقة تعاملها مع زمايلها فى الجامعة ... ينرفز حبتين وصاحبتى(ص) اللى سألتنى دى من نوعية الأخوة الملتزمات .. على مستوى عالى ماشاء الله
وكان الموضوع ان البنت (س) دى اتفقت مع (ص) انها تلتزم و تغير كل اسلوب حياتها للأحسن ... بس على شرط.. أو على ضمان حاجة ... انها تفضل على طول معاهااا وتوجهها دايماا... وكداا..
فدلوقتى (ص) متحيرة ... عايزة تساعد (س)على انها تبقى إنسانة كويسة بقدر المستطاع ...
بس فى نفس الوقت ... (ص) خايفة من كلام زمايلها ... عليهاا... ( هو ايه اللى حصل ل(ص)... ليه ماشية مع (س) ...دى كانت كويسة وملتزمة .. ) والحاجات دى ....

يارب يكون فى حد فهم كلامى لأنى مش قادرة افسره أكتر من كدا

يعنى سؤالى المرة دى..

لو احنا عايزين نقدم على فعل خير فى حد معين ... نتوكل على الله ...على طول ومايهمناش رأى أى حد طالما احنا مقتنعين بفعل الخير ده ؟؟؟

ولا المفروض فعلااا نعمل حساب لحاجة ..إسمها كلام الناس؟؟؟؟؟

انا كان رأيى ل(ص) انها تتوكل على الله وتبدأ فى الموضوع ... وماتخافش من حاجة طالما ابتغاء مرضات الله

ولو ع الناس هما كدا كدا بيتكلموا ومش سايبن حد فى حاله... وبرضه لما يلاقوا (س) بتتحسن... هيعرفوا ان (ص) على حق

ولا ايه ؟؟؟؟؟؟؟؟

اتمنى اشوف تفاعلكم

معاملة الناس

سلام عليكم ورحمة الله وبركاته

انا لحد دلوقتى مش عارفة انا عملت البلوج دى ليه .. او عشان مين يقرأهاا

بس عايزة فعلاا اعرف حاجة كدا

شغلتى فترة طويلة بس مكنتش بلاقى حد يجاوبنى عليها

معاملة الناس

طبعا فى حياتنا بنقابل ناس وبنعرف ناس تربطنا بيهم بعض العلاقات

سواء علاقات الصداقة او القرابة ... او الزمالة ...إلخ

وطبعا على حسب الرابط ده المعاملة واسلوب التعامل بيختلف

ده شيء طبيعى

لكن اللى بسأل فيه

التعامل ورده

بمعنى هو طبيعى لما حد هيعاملك معاملة مش كويسة مثلاا( هيبقى قاصد يزعلك .. يجرحك ...يضايقك ...يسرب اسرارك ...يأذيك ..)

المفروض انك تعامله ازاى ...هتبقى حاطط فى دماغك ... جملة" عامل الناس بما تحب ان يعاملوك به "..

ولا " راحتك فى ان تعامل الناس بمثل مايعاملونك به "

وفى اى الحالتين فعلا هتبقى مستريح نفسيا وانت بتيجى على نفسك وتتحمل ناس أصلاا مش بتحس بحد ..أ و على الاقل بيك

طبعااا الموضوع برضه هيختلف من حيث قوة الرابط اللى بينك وبين الناس اللى حواليك

بتعملوا ايه ... وبتبقوا مستريحين فى اى حالة ؟؟؟

دا سؤالى

معلش طولت عليكم

اختكم

MeMe

سلااااااااااااااااااااامز