سلطة الكوسة بالثندوفاندى ....

سلام عليكم ورحمة الله وبركاته ...

مساء النتايج ياجماعة ... وربنا هواللى بيستر ....

انا قفلت مرة واحدة كدا ... من شوية ... وعايزة اهرب ...إحم إحم .. قصدى أنام ...

حسيت أوى إحساس النتيجة ... وطبعا انتو كلكو عارفينه ...

ويارب استر بجد .. بس يمكن اللى قفلنى التفرقة العنصرية اللى لسة موجودة ... وبشدة .. :((

طبعا فى ناس جابت النتيجة ...

السؤال بقى ...؟؟

ليه يعنى اشمعنى هما كل ترم يعرفوها ...قبل الكل ؟؟؟!!!

هما بيمتحنوا واحنا بنتفرج؟؟؟

ولا هما بيمنتحنوا الاول ؟؟؟

فطبيعى يعنى ان النتيجة تجى لهم الاول ؟؟؟

ايه يعنى؟؟؟ لما الموضوع ممكن يتفتح ..ليه مايتفتحش ع الكل ؟؟؟

بجد حسبى الله ونعم الوكيل ...

وعلى فكرة ...

انا مش متضررة اطلاقا البتة من الطـــــــلـــــــبــــــــــــــة اللى عرفوا نتيجتهم...

بس بجد مش طايقة الســــــــــلـــــــــــــــــــطـــــــة اللى خلتيهم يعرفوها



وبقيت الطلبة اللى مفروض زمايلهم و فى نفس ذات الكلية بل الدفعة ... مش يعرفوهاا...



حسبى الله ونعم الوكيل ...

بجد منه له ..

وربنا يطمننا علينا وعليكم ... بالعند فيهم ..



قولوا أميـــــــــــــــــــــــــــــن



سلامز بالسلطة ...

قرصنة الملكية الفكرية ...

سلام عليكم ورحمة الله وبركاته ...

انا مش عارفة ايه دا والله ...

الموضوع ممكن ناس هتقول عليه هايف ..

وفعلا انا كنت مستهيفاه فترة من الزمن .. وفترة مش قليلة ...

لكن خلاص بجد فاض بيا وميلت ....

عارفين يعنى ايه الملكية الفكرية...؟؟

"تشير الملكية الفكرية إلى أعمال الفكر الإبداعية أي الإختراعات والمصنفات الأدبية والفنية والرموز والأسماء والصور والمصطلحات والنماذج والرسم الصناعية. "

انا شخصيا زهقت جداا وقرفت ..من قرصنة المصطلحات ...اللى هى ملكية فكرية ...

كل يوم والتانى ...اتفاجىء بقرصنة مصطلحاتى الخاصة ...جداا ..كمان ...

من كتر مالناس بقت بتقولها .. بقوا اللى حواليهم .. فاكرينها بتاعتهم .. والمصيبة الاكبر ...

انهم نفسهم ..فاكرينها بتاعتهم ..

حاجة تقرف ...

والواحد عشان كان بيسكت وبيعدى الموضوع امتدت ...وانتـــــــــــــــــشر بصفة لا معقولة ....

وبفرح جداا من صحابى اللى يقولوا حاجة من كلامى ... ويكتبوا جمبهاا ..على رأى ميمي...

(منه له), ( ياعينى ياحرام ),(مفيش فايدة :),(سلامز بالثندوفاندى ),(الثاء اللى بدل السين فى الكلام ..),(no connect)

(أيون .... من قبل أحمد حلمى والله ),(فى نفس ذات الوقت... برضه من قبل الفيلم بكتير والله ...),(على فكرة ...)

(والنسمة ...),(أهااااا),(هنهرأ),(ياجزمة الطين ),(الله يحرقك بجاز اثود مطين ...),( فى حاجة ياشاطر ...),(اشوف فيك ثت شهور وربع ),(سيادتك ...و حضرتك ...فى غير ترتيبها الطبيعى فى الكلام .. ),(بتغيرى زى البنات )..,( أى خدعة ...), ( بتحصل فى أحثن حاسبات),(كركركر كر ...)(ولعى فى نفسك ..),( انتو مابتجوش ليه ..؟؟ مش تبقوا تيجواا .. انا ببقى هناك ..) ,(ماتلعبش فى الضيوف ..) (اطلاقا مطلقا البتة ...) ( صحنين وتلات أطباق ...)etc.........

وفى النهاية ...بجد احب ان محدش يزعل من كلامى ... ولو انا كتبت كدا يبقى عشان انا مش عايزة أزعل من حد بعد كدا ...

وعلى فكرة أعتقد أن مفيهاش حاجة لو قلنا الكلام .. وجمبه "على رأيى ميمى ...مثلاا "...

وانا شخصياا بعمل كدا ... لو استدعى الامر وقلت حاجة ... مش من كلامى...

أو كدا ...

ارجو المحافظة على حقوق الملكية الفكرية ...

plz

سلامز ..

موجز... طويل ...ليوم حافل

سلام عليكم ورحمة الله بركاته ...

يدوب والله لسة صاحية من إمبارح الساعة 9 بليل...
بعد يوم بجد .... مرمطة ...
رحنا طبعاا الجامحة ... ومكناش نعرف بالضبط هناخد ايه ومش هناخد ايه..
ولاهناخد إمتى ولا اى حاجة ...؟؟
ناس قالت هتشتغلوا الساعة 9 عادى ... وناس قالوا لا 11 ..
فكان الحل الللى قدامنا .. اننا نروح 9.. وخلاص ..
طبعاا .. رحنا 9 .. لاقيناهم بيقولوا لا سكشن الاتصالات مش هناخده دلوقتى هناخده 11 ..

فطبعا فضلنا قاعدين ... انا صاحبتينى ..
وكل اللى رايح واللى جاى بقى ... يبص ناحيتنا وكأننا ...فاشلين ... D:
واللى يصعب عليه حالنا .. ويضرب كف على كف .. وبتاع ..
ذل والله

وقاعدين لا بينا ولا علينا ..
وبنحكى عن فيلم رعب ..
لا وايه انا اللى كنت بحكى ...
واذ فجأة صوت هبدة قوية جدااا جداا . ..يدوب يفصل بينى وبينها .. حوالى عشرة سم
هى ايه بقى ؟؟... عادى ياجماعة طربيزة البينج
ولاد عادى جاين يلعبوا .. والله ماحد هيتخيل كان احساسنا ايه ..:(
واحنا بنطرد كدا من مكانا.. (الله يكون فى عون إخوانا ... فى فلسطين والعراق )...

دا غير الخضة يعنى ...
يلا منه له ..
جت الساعة 11 واخدنا السكشن .. وطبعا الباشمهندسة بتشرح بسرعة البرق .. وبتمسح اللى تشرحه بسرعة أكبر ..

ماهى يعينى ياحرام ملهاش ذنب .. المفروض انها هتخلص الشبتر مرتين .. لسكشنين مختلفين ...وكل ده فى ساعتين ...
والمحاضرة هتبدى الساعة 2..

( ياسلام يابت ياميمى شاعرة ..شاعرة D:)
المهم .. خلصنا السكشن .. ورحنا بقى قاعدنا ندور على المكان اللى المفروض هناخد فيه فى حقوق

طلعنا تالت دور..
(وكان منظر تحفة والله بجد )

المهم جه واحد كدا وقال لنا لا انتوا مش هتاخدوا هنا انتوا هتاخدوا فى مدرج البدراوى ...
وبالفعل نزلنا ... ورحنا عند مدرج البدراوى .. ومكنش لسة اتفت .. شغلنا الmp3وعشنا معاه شوية ..
وطبعا دا واحنا قاعدين ... ع الارض .. جمب المدرج فى ركن كدا .. وطبعا برضه اللى رايح واللى جاى مش متخيل اننا قاعدين كدا
مش عارفة ليه ..؟؟!!!
المهم المدرج اتفتح بعد شوية ..
وكانت الصاعقة ..
ماشاء الله فعلااا .. مدرج راااااااااااااااااااائع... كبيــــــــــــــــــــــــــــــــــر بصفة مش معقولة ...

أعتقد ان الناس بداية من نص المدرج كدا
مابيشوفوش المحاضر ..
وديكوره حلو جداا ..

ماعلينا المهم بعد ماقعدنا واستقرينا وكدا..
كل شوية واحد يجى ويقول ... ياجماعة حاسبوا ع المدرج ... حاسب يابنى ..حاسبى يابنتى... مش عارفة هما مفكرينا ايه ...
ربنا يسامحه ..
الكارثة الاكبر... عمو جه بعد كدا .. يقول ... الجامعة بتوع الحاسب الالى .. عندهم فوق زى ماكانوا..
انا سمعت الكلمة .. وأعوذ بالله ...
كنت هتشل ... منه له ...و حسبى الله ونعم الوكيل ... بقى بعد كل اللى احنا فيه دا يتقال لنا .. كدا ...
حسبى الله ونعم الوكيل .. فى اللى السبب فى اننا ملناش مبنى لحد دلوقتى ...
ومرمطتنا عند اللى يسوى واللى مايسواش ...

خلصنا المحاضرة وحضرنا شرح الينوكس ...مع باشمهندس معانا فى الكلية ..
وطبعا بدون أجهزة ... وطبعا بنتخيل كالعادة ...
وربنا يستر ...وخلصنا الساعة 6 كدا .. وبعدين نزلنا الجلاء عشان نجيب ...كتاب الجريمة لا تفيد ...
وفطرنا .. الحمد لله الساعة 7 بليل ...
وبعدين ركبنا وجينا ... كنت تقريبا بموت فى الطريق...
ووصلت البيت ..

لاقيت عندنا ضيوف ...

ولا همنى ....أخدت أقرب .. سرير واستلمته ...
ولا غيرت هدومى .. ولا صليت ولا أى حاجة ..
وانتقلت الى الموتة الصغرى ... عقبال الكبرى ..:(

وصحيت 11 صليت ونمـــــــــــــــــــــــــــــــــــــــــــــــــــت ... وصحيت من شوية قبل مااكتب ... هذا الموجز ... الطويل ...

يلا معلش طولت عليكم ...
لكن... أدى حال الدنيا ...
منه له ...

سلاااااااااااااااااامز

الجدول بقى ليلى ...حسبى الله ونعم الوكيل

حسبى الله ونعم الوكيل...

بجد ...

قريت خبر النهاردة.. رائع رائع رائع ... فى منتهى الروعنة ...

خير اللهم اجعله خير يعنى ..

ان الجدول بتاعنا فى الكلية اتغير ...عادى ياجماعة ..مااحنا فى حاسبات المنصورة ...

(هو صراحة انا مش عايزة أقول انا وأصحابى مسميانهاايه ...)

يعنى الحاجات الغريبة كلها مابتطلعش غير من عندناا ... دايما لينا الاسبقية ...الحمد لله

وطبعا متميزين عن غيرنا ...خالص ..ليه بقى ...لأننا تقريبا أكتر كلية بتحسبن على الادارة والدكاترة والطلبة نفسهم ...

يعنى أكتر كلمة بنقولها ...هى ... حسبى اللــــــــــــــــــــه ونـــــــــــــــــعم الوكيـــــــــــــــل ...

المشكلة بقى...سيادتك ...

ان الجدول اتشقلب خالص ... والمشكلة الاكبر فى تأخير المواعيد...والسفر والمواصلات ... منه له ...

ولحد دلوقتى مش عارفين الموضوع هيرسى على ايه ..ولا السكاشن هيبقى ميعادها امتى ...

وربنا يستر ...

وحسبى الله ونعم الوكـيــــــــل

ومــــــــــــــنه لـــــــــــــــــــــــــــــه

ومفيــــــــــــش فايــــــــــــــــــــــــــــــــــدة

جوى برد نار

سلام عليكم ....

بعد شوية غياب ...

النهاردة كنت فى البيكسى داى ....

كان أكتر من رائع ... وخاصة ...

سيشن ...hand sketching ماشاء الله كان حلو جداا..

وطبعاا ... وبجد كل السيشينز التانية ...

بس دا أكتر حاجة ...

المهم ...

أنا النهاردة كنت ...زى الجو كدا ... برد نار فى نفس ذات الوقت ...

وخاصة بعد الساعة3 ونص

عملت حاجة كدا ... مش عارفة انا مافكرتش فيها ولا ايه ...؟؟!!

المهم انهااول مرة تحصل لى ..

وقلبت بقى من ساعتها

مكنش عارفة انا صح ولا غلط ...

وعلى الرغم من الموضوع يبان عادى ...

فى نظر ناس كتير محترمين

لكن برضه ... مش انا

بس لما فكرت فى الموضوع ... لاقيته تمام الحمد لله وصح كمان ...

وربنــــــــــــــايستـــــــــــر

سلامز

MeMe

أنت موجود...؟؟يابختك....بس أتأكد

سلام عليكم ؟؟؟

أنت موجود ..؟؟؟ عايش ...؟؟

يابختك...

بس مش أوى برضه ممكن تبقى شايف نفسك عايش وموجود والحقيقة انك لا ده ولا ده .....

والله

أكبر أمنية فى حياتى دلوقتى بجد وحقيقى .....إنى ألاقينى ....هموت وألاقينى ...

ألاقى نفسى ... اللى تكون عايشة عشان تحقق هدف معين....

ومش أى هدف....لازم يكون هدف كبير ومهم هدف ..هدف يعنى ... ويتحقق...

أنا خايفة أفضل أدور على نفسى ....لحد ماعمرى يخلص... وأبقى كل اللى عملته انى كنت بدور على نفسى...

والخوف لأموت من غير مالاقيها ...

من الحاجات اللى بفكر فيها فعلاا اليومين دول ....

انى بجد عايزة لما أموت أبقى راضية عن نفسى.....

وأول مرة أشوفها واتمناها بالمنظور ده ....

يمكن السبب فى كل اللى انا فيه ده ....

الناس اللى شوفتهم فى السكوب....

إحساس فظيع .. بالضياع بجد ... واللى أخطر من كدا ...إحساس أفظع...أنك أصلا مش موجود ...

هو انت حاولت تعمل ايه فى حياتك ؟؟؟..

أنت عايش 19 سنة ولا أكترعملت ايه فيهم بجد ...؟؟؟

بجد بجد؟؟أيه هى اخطر واهم حاجة فكرت فيها فى عمرك؟؟؟..من وجهة نظرك؟؟؟

انا كنت لما بقرأعن الصحابة والناس اللى كانت بتقود أمة وجيش دول واللى كانوا بيألفوا كتب وأصحاب المذاهب وكل ده وهم عندهم

16سنة ..

ياخبر ابيض

كنت بقنع نفسى كدا يعنى واقول .... لا احنا ايه اللى وصلنا ليهم ...دول الصحابة وبتاع...

طيب ولنفرض انهم فعلا يختلفوا عننا لأى سبب من الأسباب ...

الناس اللى انا شوفتها بعينى دول وعايشين معانا فى نفس العصر ونفس الظروف والفتن ....

الناس المحترمة أوى دى... الناس اللى عارفة هى عايزة ايه وهتوصله ازاى ....

ايه الفرق بقى ؟؟... هماعندهم عقل وانت لأ ...؟؟بجد...هو الفرق فين؟؟

اشمعنى هما عارفين طريقهم ؟ اشمعنى هما لاقين نفسهم ؟؟..

انا بجد زهقت من الكلام ... اللى تقريبا مابعملش غيره...أنا وانتو كمان ..

والله عايزة أبدأ ... بس أنا فجأة لاقيت نفسى فى وسط طريق أنا اصلا مش إبتديته ..

أنا فى سنة تانية ...حاسبات ومعلومات ... يافرحتى...

ووالله ماعملت برنامج واحد لحد دلوقتى ... ..

أبتدى أزاى؟؟؟؟

إبتدى فى حاجة زى الفوتوشوب والجرافيك ....؟؟على أساس انى بحبها يعنى؟؟؟

ولا لغة برمجة ...عشان الكلية والمشاريع ... وعشان لازم اعرف لغة برمجة .... ولو فعلا هبتدى فى ده ؟؟؟ ابتدى انهو لغة ؟؟؟

ولا أخلينى فى الويب والديزاينات تبعه؟؟

ولا فى حاجة تانية أنا أصلا مش عارفة هى موجودة ولا لأ؟؟

حد يقولى المفروض.... لما عايزة ابتدى ...حد زيى كدا عايز يبدأ ...يبدأ من فين ...؟؟

يلا مفيش سلامز النهاردة

الفضفضة.....تمام ولا لآ؟؟

سلام عليكم ورحمة الله وبركاته

ازيكم الاول ...

النهاردة او دلوقتى اهو .. عايزة اطمن على كل اصحابى .. واللى مش اصحابى والله ان شاء الله بتليفون حتى .... معرفش ليه ...

المهم ...

طبيعى ان بيحصل بين الصحاب ... شد .. واحيانا زهق ... ومشاكل وكدا ... باختلاف حجمها بقى ..

لكن فعلا بيحصل ...

سؤالى بقى ...

لو انا مضايقة من شخصية معينة من صحابى ...

مسموح لى انى اشكيها ... لشخصية تانية من اصحابنا برضه؟ على سبيل الفضفضة ... أو كدا ...

ومحدش يقول روحى اتكلمى معاها هى ... ( اصل بكل المقاييس مش هينفع ... او ع الاقل عندى انا ... هكلمها ازاى وانا فعلا مش قادرة اكلمها ولو كلمتها .... هنعمل مشاكل مع بعض اكتر من اللى احنا فيها)

وهو فعلا مش عيب ان احنا نزعل من اصحابنا دول لما يضايقونا يعنى...؟؟؟

يلا دا سؤالى ... سيادتكم ....

يلا سلامز .....

عيوبنا ....

عيوبنا ...

طبعا مفيش انسان كامل ...

ولازم كل انسان بيكون عنده عيوب فى شخصيته...

بس بتختلف نسبتها بين الناس

والعيوب دى
تنقسم لشقين من وجهة نظرى ....

عيوب احنا عارفين انها عيوب ومش عجبانا وبنحاول نصلح فيها ... عشان مش راضين عن وجودها فينا ...

وعيوب احنا مش شايفنهاعيوب .. وكمان ممكن نقول عليها مميزات ... فينا ... بس الناس هما اللى بيلاحظوا العيب ده..وبينتقدوه كمان...

النقطة بقى

ان فى الحالتين ...

مابنقدرش نقول عيوبنا ...

وحتى لو حد جت له الجرأة دى.... بيقول عيوبه بطريقة .... تخليها مميزات.. يعنى محدش بيطلع نفسه غلطان...

او مثلا بتكون عيوب خطيرة او جوهرية ... ويخليها هو حاجة صغيرة ...

هى دى بقى حاجة كويسة ...؟؟ ولا مش ؟؟؟.....

وياترى انت بتعمل ايه؟..بيكون عادى عندك انك تقول عيوبك للناس؟؟..

ولا بتحاول برضه تجملها لهم....؟

ولا ساعات وساعات...

وبتشوف نفسك بالعيوب ازاى..؟؟

وياترى ايه هى عيوبك انت من وجهة نظرك..؟؟ ومن وجهة نظر الناس اللى حواليك.؟؟

شايف نفسك فيك عيوب اكتر ولا مميزات؟

ولو حد جه وقالك على عيب هو شايفه فيك .. بيكون ايه موقفك...؟؟

وياترى ممكن تقول لحد على عيوب فى شخصيته؟؟ ولو أه هتقوله ازاى..؟؟

معلش طولت ...

والاسئلة كترت ...

بس انتو ادهاا...

يلا سلامز ....

منتظرة الردودز

محاولة للفرحة.... ولكن...

سلام عليكم ورحمة الله وبركاته

النهاردة اول اليوم كان عال وتمام ع الاخر ..... والله كنت ناوية اطلع نفسى من الحال اللى كنت فيها ...

بس كأن ربنا مش مقدر لى ان افرح .. أو ع الاقل أحس انى عايزة افرح .. اكتر من ساعتين كل سنة كدا ...

كان كل اصحابى وحشنى اوى... وكل حاجة مقبلة عليها ... و عايزة اضحك وأفرح وكل حاجة حلوة ...

لكن ..من اول مانزلت الكلية ... والحاجات عمالة تخبط فيا كدا ...ورا بعض...يعنى ترجع تقول لنفسك ... """مفيش فايدة"". بس ختامها هو اللى كان صعب ....

صعب اوى لما تبقى بجد بتستحمل اللى حواليك وخاصة اصحابك .... نقول فى معظم الاوقات يعنى .... او لو حتى فى اوقات قليلة بس

انت فعلا بتستحملهم .. و المفروض يبقوا فاهمين ومقدرين انك بنى ادام ... بشر ...

ممكن يجى عليك يوم وتتضايق ... تتألم ... ومش بتعرف تخبى اكتر من كدا عشان ماتضايقش حد منك معاك ...و مش طالب منهم غير انهم يحسسوك انهم ممــــــــــــكن يستحملوك ...

لكن المفجاة ..انك وانت كدا .. و اصلا مش قادر تتكلم ... تتصدم بموقف حد من اصحابك دول ...

انه ازاى تعامله بالطريقة دى .. لأ وانت كمان غلطت فى حقه .... ومفيهاش حاجة لو اتعصب عليك شوية ... ادام اللى واقفين ....

وممكن يسيبك ويمشى... وواحد تانى مايعبركش اصلاا... ولو قابلته مايكلمكش ... اصل انت اللى غلطت فى حقه لما... سيادتك كنت بتحترمه اكتر من اللازم....

بس بجد المشكلة ان الواحد بيعدى كتــــــــــير ... وبيقول اصحاب وبنحبهم ... بس دلوقتى حاسة ان الواحد بيهين نفسه ...

ومش بس كدا محدش من اللى انت بتحترمهم اكتر من حقهم دول ... بيحترمك... كل واحد شايف نفسه هو المضحى ... اللى مش مقصر فى حق التانى .ولا التالت .....

أااااااهاااااااا

ربنا يستر... والواحد يلاقى حاجة تفرح .... فترة اطول .....

وخلص اليوم ... برضه بنكد.... وبرضه ربنا يستر ...

ويارب نعرف ننام ونحلم بحاجة حلوة النهاردة .....

سلااااااااااامز

تصبحوا بفرح ....

احساس مخيف بالضياع......

سلام عليكم ورحمة الله وبركاته ...


تقريبا... يدوب قدرت اكتب بس دلوقتى ....



أكتر احساس مؤلم ومخيف... انك تحس انك ضايع ... ومش لاقى نفسك.... ولا عارف انت عايز تعمل ايه فى حياتك...

ولا مستقبلك...

فجأة كدا تحس انك تايه... ولوحدك .... وكالعادة ... مش هتلاقى حد يتحملك... ..اصلا مابتبقاش طايق نفسك..

حاجة مؤلمة اوى ....بجد مش قادرة اوصفها ...

أما يكون قلبك هيموت ويبكى .... وحتى الدموع بتسيبك .. فى أكتر وقت انت محتاج لها فيه....



اما تحس ان الدنيا واااااسعة ... وفى نفس الوقت ... مفيهاش حد غيرك حواليك...

تحس انك مخنوق من كل حاجة فى الدنيا...

وهتموت وتعمل حاجة تخرجك من الحال اللى انت فيها دى ...

بس مش عارف؟؟... ايه اللى مانعك, مش عارف؟؟..!!! مش قادر ...؟؟ خايف تطلع منها ..؟؟؟ مستنى حد يخرجك منها؟؟..!!!

ما علينا .... انا والله ... بس حسيت انى عايزة اكتب فى مكان تانى غير المذكرات ... يمكن ارتاح ...



ياااااااااااااااااااااااااااااااااااااااااااااااااااااااااااااارب





سلااااااااااااااااااام