الصمت ...لغة أفضلها ...

سلام عليكم ورحمة الله وبركاته ...

الصمت ....

قال صلى الله عليه وسلم: من كان يؤمن بالله واليوم الآخر فليقل خيرا أو ليصمت..

-------

وقال صلى الله عليه وسلم:
من كثر كلامه
كثر سقطه
ومن كثر سقطه
كثرت ذنوبه
ومن كثرت ذنوبه
كانت النار أولى به

-------

وقال لقمان الحكيم لابنه:
يا بنيّ
من رحم يرحم
ومن يصمت يسلم
ومن يفعل الخير يغنم
ومن يفعل الشر يأثم
ومن لا يملك لسانه يندم

ويقولون ان الكلام من فضة ولكن الصمت من ذهب..... فلماذا؟؟
و يقولون ان الصمت ابلغ من الكلام ....فلماذا؟؟

وقالوا أيضا فلرب صمت فى الكلام شفاء..فلماذا؟؟

وقالوا احبس لسانك قبل أن يطول حبسك...فلماذا..؟؟

وقالوا الصمت أبلغ لغات الكلام ..... فلماذا؟؟

وايضا ابلغ كلام العشق ...هو الصمت .فلماذا ايضاا.؟؟

وقالوا أيضا احفظ لسانك أيها الانسان لايقتلنك انه ثعبان.. فلماذا ؟؟

وقال أحد الحكماء: في الصمت سبعة آلاف خير، في الصمت سبعة كلمات، كل كلمة منها بألف خير الأول: عبادة من غير عناء، الثاني: زينة من غير حلي، الثالث: هيبة من غير سلطان، الرابع: حصن من غير حائط، الخامس: الاستغناء عن الاعتذار لأحد، السادس: راحة الكرام الكاتبين، السابع: ستر لعيوبه. .... فلماااااذا ..؟؟

جميل أوى الكلام اللى فوق دا ...

طيب" لماذا" اللى انا كاتباها دى ... على الجمل والكلام نفسه ..؟؟

لا ... مش ع الكلام ولا هناقشه هو خالص لأنى مقتنعة بكل كلمة ..منه ...

اللى عايزة أتكلم فيه ...

لما كل الكلام دا اتقال ومعروف .. وأكيد ..صحيح ...

ليه الناس ... مابيعجبهاش الصمت؟

وفى منهم بيعتبره عزله .. وانطوائية ..وفى اللى بيعتبروه ... غرور .. وتكبر ..

وفى بقى فئة تانية تقول لا دا عدم صراحة ..وفى بقى اللى بيربط الصمت بالحزن ... والاكتئاب وكدا

وغيره وغيره ..

انا أكيد مش بقول والله ..ان الواحد هيفضل ساكت طول عمــره ومش يتكلم ..

بس فعلا كثرة الكلام دى حاجة .. مش هتجيب غير المشاكل ووجع الدماغ ...

وفى الناحية الاخرى بجد الصمـــــت رااااااااااااحة..

بس المشكلة بقى فعلاا .. اننا كلنا تقريبا .(سواء محبى الصمت أو اللى حواليهم ) . بنشتكى أوى من النقطة دى .. من الناس اللى حوالينا .

يعنى ... العيلة مثلا ... بينتقدوا فيك الصمت ...

وصحابك ... لو مش بتحكى لهم حاجات كتير بيضايقوا ....

دا حتى ممكن ناس مش يعرفوك .. خالص ..ممكن يبدوا رأيهم كدا .. وكأنك ...

ماعلينا ... كفاية كدا .... موضوع حبيت اناقشه معاكم ومستنيه مشاركاتكم

سلااااااااااااااااااااااااااااامز ...

النتيجة ظهرت....

سلام عليكم ورحمة الله وبركاته ....

افتكرت من تلات ايام انى عندى بلوج وانها وحشتنى أوى ...

كتبت موضوع .. ساعتها ... لكن .. مش نشرته ...

كان مودى ساعتها مش تمام اطلاقا مطلقا البتة ....

وكنت هنكد على كل البشر اللى هيقرأوا البوست ....

النهاردة ... بقى ...

طبعا وللأسف نايمة الساعة 8 الصبح ...

وماصدقت انام بقى .. لاقيت .. تليفون بيرن ... بصيت فى الساعة .. لاقيتها 10 الصبح ....

- الو ... سلام عليكم ...

- ايه يا ايمان كل دا ؟؟ انتى نايمة والنتيجة بتبان ؟؟

-هااااا؟؟؟ نتيجة ايه ؟؟

- نتيجة تالتة اعدادى .. أخوكى ...أحمد ...

-اهاا . اهلا وسهلا .. حاضر يا طنط ... هفتح الجهاز وهشوف النتيجة ليه ولأبن حضرتك ...

- طيب يا حبيبتى ابقى طمنينا لما تشوفيهم ...

- تمام .ان شاء الله .. سلام عليكم ..

رحت لا بيا ولا عليا ... فاتحة الجهاز وجبت النتيجة .. وكانت الصاعقة ...

رحت طالعة على اوضة أحمد تقريباا ... الواد كان هيموت من الخضة ... لما دخلت عليه ورحت مزعقة وقلت النتيجة بانت يا استااااذ

الواد راح قايم جرى .. ولأول مرة أحس ان الواد عنده دم وقلقان ..

راح جاى وشاف النتيجة .. المخزية ...

وراح مصدوم شوية ( يعنى بتاع دقيقتين كدا )... ودخل يكمل نوم ... حسبى الله ونعم الوكيل بجد ..

ايه البرود دا ؟؟؟ هو فى كدا ؟؟؟

ااااااااه فى كدا جدا ... المشكلة كمان مش فيا انا ولا حرقة دمى ... المشكلة ... فى اللى جاى ....

أوبس ...دى ماما فى شغلها لسة مجتش ...طب اتصل اقولها ولا أستنى لما تيجى؟

وجت ماما ... الساعة 1 ... وبجد مكنتش عارفة اقول لها ايه..؟

قولت لها .. والست لسة يدوب داخلة ... مبروك يا ماما ... نتيجة ... احمد بانت ..

شوفت لهفة فى عينيها ... فكرتنى ...بزمان .. لما كنت انا فى نفس الموقف ....بتاع احمد ...

وللأسف اللهفة دى اتحولت لدموع ... بمجرد ما قولت المجموع .....

بجد ..مكنتش متخيلة ان كل دا هيحصل منها ...

وبجد ... لأول مرة أدام أمـى بالخصوص ...احس ان انا .. عااااجزة أوووووووووى ...

أدام أغلى دموع عليا فى الدنيا ... مش عارفة بجد ..أعمل ايه ولا حتى أقول ايه ...

وكل دا والباشهمندز ... أحم أحم ... اه اللقب دا اتغير طبعاا ...

الاستاذ ناااااااااااايم ... ولا فى دماغه اى حاجة ....

بجد ...كان كل اللى هاين عليا ان ادخله اموته ...

أد كدا .. الواحد بيبقى هيموت نفسه .. عشان خاطر ولاده ويشوفهم احسن ناس فى الدنيا ...

وولاده دول .. يبقوا ... كدا .. منتهى الاستهتار ..وولا حاطين فى دماغهم ؟

انا .. بجد ..كنت ...هموت بس واشوفها..كويسة ومش زعلانة ...بالمنظر ده... كنت خايفة عليها أوى ...

وبعد ... ساعتين ... من بكاء شبه متواصل ..من أمـــى ....

كان فيهم أحمد صحى ... وقعد أدام ماما يسمع فى التليفونات... اللى بتيجى ليها ..عشان يطمنوا ع الاستاذ اللى كان باشمهندز ...

وبرضه ولا فى دماغه ..ماصدق انى قلت كلمة . ضايقته ... وراح لابس ونازل ...

والله كنت هتجنن من منظر سيادته ...

المهم .. الحمد لله ماما هديت ...شوية ...

بس بجد .. اللى هموت واعرفه ..هو فى أمل ... فى حد زى احمد كدا ..

( مش لأنى شايفة انى أحسن منه والله .. لكن .. يمك .. كنت شايلة مسؤلية أكترمن كدا بكتير .. وخاصة لما كنت فى سنه )

حد عايش كدا وبس .... من غير أى اهداف ... ولا أى لزمة... تقريبا ..

وللاسف ..دا حال كتير ... من .. الجيل دا ..

يعنى ... ممكن ... فى ثانوى يتعدل؟؟ طيب لو أه ... أو لا... .

ايه المطلوب مننا ..؟

وبجد .. كل امنتيى فى الحياة ..دلوقتى... انه يحقق ..أمل ...أهله فيه ....ومعرفش ازاى ..

وبجد ... خفت اوووووى ... من نتيجتى انا كمان ... ربنا يستر ... ويعديها علينا كلنا على خير...

أه وطبعا كل الموضوع كان على ماما... لسة لما بابا .. يجى م السفر كمان ....هيبقى مهرجااااان ...

وربنا يســــــــــتر....

سلااااااااامز ..... ومبروووووووووووك لكل الناس المحترمة اللى نجحوا بمجموع محترم ...

وعقباااااااالنا ....

شخابــــيط ..(2)

سلام عليكم ورحمة الله وبركاته..
المرة دى .. بجد خايفة وقلقانة أكتر من المرة اللى فاتت ...
بس بدون مقدمات وكلام كتيــر ... دا ان شاء الله هيكون .. الجزء التانى .. من شخابيطاتى ..
ياااااارب يعجبكم ...
.

.

.

.

.

.

/\

/\

/\

اهكذا أحببتنى ...؟؟!!

Gift

لحظة أمان ....

Shy Flower

Spring Flower

just 4 sema

(1)3OYOOON

3oyoOon (2)

3oyoOon(3)
3oyoOoN(4)

Sad EyE

3oyoOon (5)

بريق الرعد ..

بنوتــــة...

واحدة كدا ...

Anime

.

.

.

.

..

...

يارب ينالوا ..أعجاب حضراتكم ...

هتوحشنى أوى...

هتوحشنى أوى ...

هتوحشنى أوى فعلاا

بجد النهاردة كان .. يوم حلو أووووووووى.....صعب أووووووى... على اد ماانا ..كنت عايزة ابقى متماسكة .. ومش أتأثر ...( قال يعنى البت طويلة أوى)

لكن بجد اليوم كان صعب أوى .. من ناحية وداع الصحاب .. وفكرة .. انك خلاص .. مش هينفع بعد كدا ...

تتجمع انت وكل الناس اللى قضيت معاهم سنتين من عمــرك دول .. ومش أى سنتين .. سنتين بجد هما أحلى سنين عمــرك .. بالرغم اى حاجة مش تمام حصلت فيهم ...

بس فى أوقات كدا ... انت بتنسى فيهم أى زعل ..حصل .. أو اى ..حاجة مش كويسة ..حصلت ..

النهاردة كان كدا بجد ..

على أد ماانا كان قلبى مقبوض بعد الامتحان وكان مزاجى بضغط عليه عشان يبقى كويس ...

لكــن الحمد لله اتظبط فعلاا...

وكان يوم بجد عشرة على عشرة .... تحفـــة

اليوم ..ابتدى بعد ما طلعنا من اامتحان الكريمة .. مباشرة ..

وطبعاا ... كانت الجامعة استديو ... كل جروب بيتصور .. مع بعضه ... وحاجة .. بجد حلوة اوى ...

اجمل أحساس ممكن تحس ... ان يبقى فى حواليك ناس بيحبوك كدا ... أو على الاقل .. انت ممكن توحشهم ....

وطبعا التصوير دا ماخلصش ... لحد دلوقتى حاااااااالاا ...

المهم ... نرجع لأحداث اليوم ... بقى ...فضلنا .. تقريبا تلات ساعات ... فى الجامعة .. بجد .. كانوا حلووووين أوى ...

مقضينهم ... تصوير .. وتهيس ... واغانى ... وسلامات ... وضحك .. واحيانا دموع ...

والقلم ...باظ ... وعمل ازرق على ايدي...

والبلوتوث كان بيستهبل ...وكان فى ناس ظريفة .. موت فى اليوم ... ربنا يريحنا منهم ..

ودكتور .. ابو السعود غير العربية .. (ماشاء الله ) عقبالكم كدا ان شاء الله ... والله فرحت له ...خالص ....

وسمسمة أخت كات كات .. جت .. وبجد فرحت خالص لما شوفتها ...

وخرجنا .. من الجامعة .. بعد ان تلقينا ..خبر بوظان موضوع الكورسات ... خائفين .. ان تضيع الاجازة مثل ما قبلها ...

وبعدين ...

طلعنا ... الجلاء .. مشينا مشــى... فى عز الحر بقى اللى كان شغال ...

ورحنا أكلنا ... بيتزا ...كلنا وأحلى حاجة فى الموضوع ... ان كنا كلنا مع بعض بناااات زى العسل ...

ربنا يخليكم لياا ... ويخلينا لبعض ...

ويارب ...نفضل سوا على طول ... حتى لو فرقتنا أقسام ...

وبعدين ... هيسنا شوية صغيرين ... وسلمنا على بعض .. وروحنا ...

وبعدين .. اتصدمت ... بحادثة ياسمين ...بجد اتصدمت ... ربنا يشفيها يارب ... ويقومها على خيـــر وبالسلامة

وبكتب ... الموضوع دا دلوقتى .بمعنى اصح ... بعدل فيه شوية حاجات لانى كنت كاتباه من حوالى 5 ايام..

اللى هو

هتوحشنى أوووووووووووى ...

طبعا الصيغة واضحة ........ بس انا بتكلم عـــن حاااااسبااااااات ...

اللى السبب انى عرفت واتعرفت ..على احلى نااااااااااس بجد ... فيهاا ......اللى بجد كلــــهم هيوحشونى أوووى

فى ناس بجد ..ممكن يكونوا مش صحابى أوى ... بس انا بجد يكفينى ويشرفنى ...أنى اتعرفت عليهم ... وهم يعرفونى ...

ياااااااااااااه... كل حاجة هتوحشنى أوى ...

من أول مكاننا اللى ورا .. الكشك الخشب دا ... والمسجد ... والقاعة ..(هههههههههه) ..

واللى كان بيحصل لنا ... مرمطة ... تهيس ...صداااع ... ضحك ... كوووسة ...

والناس المحترميـــن أوى اللى فيها ...

وصحااابى ..دول طبعااا ... جانب خااااااااص جدا ....

هيوحشونى أوووووى...

وغيرهم كتيـــر ..

ووالله كل دا هيوحشنى أوى .. لالا هو وحشنى فعلاا من دلوقتى...

وبجد مش متخيلة .. انه هيبقى صعب .أوى . ان احنا نتجمع تانى ... كلنا .. كلنا.. فى سكشن واحد مثلا ..أو محاضرة ...

أو مرمطاية من اللى كانوا بيحصلوا لنا ..

وبجد .. بجد .. بجد ...

, I Will Remember Every One Of U With A smile

And .. Really ... I'm Just Hope To Remember Each Us With Respect

at the end ... of the no end of loving 7asebat

I will Miss U soOo MuCh

slaaaaaaaaaaaaaaaaaaaaaaaaaaaaaaaaaaaaaaaaaaaaaaaamz

By Ur SiSter

MeMe

ياترى ايه ....؟؟؟!!!

سلام عليكم ورحمة الله وبركاته ...

معرفش .. هو مودى الايام دى .. متقلب ..وميت احساس فى الدقيقة ...

المهم ...

اذ فجاة كدا جه على بالى سؤال ... عايزة أعرفه برضه منكم ..

هو ايه أسوأ احساس ممكن حد يحس بيه؟؟؟

وبرضه على النقيض ...

ايه احلى احساس ممكن حد يحس بيه .؟؟؟

ويارب ... كترالاحساسات الجميلة .... ويارب ... موت الاحساسات المؤلمة ...

وبرضه ...وكالعادة ...

ربنا يســـــــــتر......

منتظر ... ردودكم ز ..