تدبيــسة لابد منهــــا

أسفة جدا ع التأخير

دا تاج من زمان لمدونة .. "اخوانى حتى النخاع "

انا هجاوب كدا على طول ان شاء الله بس فى أسئلة هيبقى ليها أكتر من أجابة ..

بس اللى هفتكره ساعتها بس اللى هقوله ..

وفى حاجات هخبيها .. بس ان شاء الله .. كله حقيقى ..

والله على ما أقول شهيد
..سامحونى لما أطول ..بسم الله نبدأ

س1 : أذكر خمس أحلام على الاقل ..تخص مستقبلك

1-أخلص دراستى ..وأعمل حاجة عشان اشتغل وظيفة محترمة ..

2- أحمد أخويا ربنا يكرمه ويهديه وأشوفه راجل محترم ..ومايبقاش قاسى علينا لما يكبر ..يـــارب

3- ألاقى الحب اللى استنيته طول عمــرى ونتجوز وربنا يرزقنا ولد وبعدين بنتين توأم

4- أفضل مع صحابى اللى بحبهم وبيحبونى طول العمــر

5- ربنا يحقق لى باقى امنياتى اللى مش هقولهم هنا

س2 :أذكر شخصين على الأقل غير متواجدين فى حياتك حاليا كنت تود وجودهم الان او فى حياة اولادك مستقبلا

أول شخص :أبو أطفال المستقبل ...

تانى شخص : جدتى لوالدى

س3: أعطيتك ثلاث وردات .. من هم الثلاث الأشخاص اللى هتهديهم الورد اللى معاك ؟؟

الأولــى :لأمـــى

التانية : للمجهول

التالتة : لأخويا

س4 : لو أعطيتك ورقة بيها 3 سطور فقط و قلت لك أكتب فيهم اللى أنت عيزه هتكتب إيه ..

مش فاهمة يعنى أكتب اللى انا عاوزاه ازاى ؟

بس نفترض.. أنها أمنية او دعوة يعنى ... يبقى نفسى بجد ..

السجاير والاستعيال والكسل والكوسة وكل العادات اللى مش كويسة تختفى من الوجود ويحل محلهم كل حاجة كويسة

س5 : ما هو هدفك فى الحياة ؟؟

التــقـــدم .........

.إن شاء الله بكرة هيكون أحسن من النهارده"س6 : هل تصدق هذه المقولة ؟؟ و لماذا ؟؟

أهاااه مصدقاها . وأوقات كتيــر بتبقى صح جدا ..

وممكن أكون مصدقاها ..كنوع من انواع التفاؤل والتمنى مثلاا ...ربنا يستــر

س7 : أجمل مقولة سمعتها فى حياتك ؟؟

*الحب والكراهية كلاهما طاقة ثمينة ، لا يصح أن نبددها فيمن لا يستحق

س8 : من المغنى اللى بتحبه أوى و إيه أحلى أغنية ليه بتحبها ؟؟

شيرين ...مش عايزة غيرك انت ، بطمنك ،المرايا مؤخرا

س9 : غزة" تمثل لك إيه فى حياتك ؟؟

"لما بسمع الاسم بس ادامى بجد .. بحس انها حاجة منى ..

وكان نفسى اوى أزورها كبلد يعنى ربنا يفك أسرها وينصرنا على أعدائنا يارب ...

س10 : أعطى لإنتمائك لوطنك درجة من مائة ؟
100%

س11 : لو تزوجت و أنجبت بنتين و ولدين أى الأسماء تختار لهم ؟؟

مبدأيا حلو موضوع لــو دا ...منطقــــى ومبشر .. ماعلينا .. وربنا يستر ..

البنتين : جويرية و سلمــــى

الولدين : وديع وعمرو أو عمــر

س 13 :لو أتعرض عليك رشوة كبيرة و انت فى زنقة ماليه هتعمل إيه ؟؟

ان شاء الله أرفض
س14 : قول 3 صفات ب 3 كلمات بس توصف بيهم شخصيتك

بنت رومانسية مزاجية

س 15 : برضه بكلمة واحدة ايه اهم صفة عايزها في شريك حياتك

أنه يكون رااااااااااااااااااااااااااااااااااااااااااااااجل

س16 : ايه المجال اللى غير دراستك وشايف نفسك فيه قوي
1- آثاااااااااار

2- فنون جميـــلة

3- photography

س17 : بتحب السفر؟

بعشقــــــــه

س 18 : طب دلوقتى حالا ايه المكان اللى نفسك تكون فيه
...اسكندرية

س19 : تمرر التاج ده لمين ؟؟
*e-emy
*A7laGrouB

وعلى فكرة التاج يشمل الاعترافات الجاية دى كمان معزة بقى ...:p

ودلوقتى المفروض ..أنى أقول 6 اعترافات عن نفسى .. RoOoDy دبستنى فيهم ...

.1-مزاجــــــية جداا ومتقلبة

2-انطوائية بتحاول تبقى اجتماعية

3-أعشق الصمت بس أما بفتح فى الكلام مابتقفلش :D

4-زملكاوية متعصبة بتشجع لاعبى نادى الأهلى

5-بسامح كتـــير بس عمــرى ما بقدر أنسى

6- بحب البحر والتلج والشتا والشيكولاته والرسم والفضة

كفــــــاية كدا جدااا ..عليكوا ..ربنا يكون فى عونكوا و

يارب يكون الموضوع ..خفيف

سماح بقى .. ع الاطالة .

تاج لابد منه..

سلاااااااااااااامز من

مـــــــــــMeMeــــــــيمــــــــــى

احترم نفسك ..

احترم نفسك ..

أها احترم نفسك ...دا شعار حملة جديدة .. برعاية شباب مجلة كلمتنا ...

الحملة بدأها شباب مجلة كلمتنا شهر مايو 2008

انا .. بصراحة لسة عارفة موضوع الحملة دا النهاردة من برنامج العاشرة مساء ..

المهم .. انا كنت مبسوطة أوى وانا بسمع رأى الشباب الرجالة ...

عن رأيهم فى الولاد اللى بيعاكسوا او بيسيئوا للبنات فى الشارع ...

حسيت فعلا ان لسة فى رجالة بتخاف على بناتها وحريمها حتى لو البنات دول فعلا اللى غلطانين ....

والاحساس دا للأسف مع احترامى لأى ولد أو راجل هيقرأ الموضوع ...

مابقاش يتحس بسهولة الايام دى ...

المهم ... القائمين على الحملة ..

قالوا ان فكرتها بدأت لما .. ايميل جه على الجروب بتاعهم ع الفيس بوك ..

من حد بيحكى مشهد ...

لأم وبنتها ماشيين فى شارع مصرى ..

وتعرضوا للتحرش من ولد فى الشارع .. وتزايد عدد الولاد اللى عملوا كدا

واللى يخوف .. كان فى رد الشارع المصرى اللى مليان ناس ..

اللى منهم بدأ يصور بالموبايل .... واللى ... فضل يتفرج ويصقف ...واللى قال وانا مالى ... وكمل طريقه أو فضل قاعد مكانه

ولا همه حاجة ...

لحد .. وبعد كتــــــــــير ... سواق تاكسى هو ..اللى شد حزامه وضرب فى الولاد دول ...

بس كان فى وقت الست وبنتها خلاص ... بقوا فى انهيار شديد من اللى حصل لهم ....

ده غير حكايات البنات اللي بتوصل على إيميل المجلة كل يوم ..حكايات تخلي الحجر يتحرك ...!!

على أد ما موقف الولاد اللى عاكسوا دا .. ضايقهم اوى طبعا ...

بس فعلا اللى يضايق أكتر واكتر .... موقف رجالة الشارع المصرى

وبدأوا فى الحمله بعد كدا ...وما زالت ان شاء الله

و عملوا استفتاء بين 100 شاب و شابه ووجدوا نتائج مخيفة

1- 94% من البنات تعرضن للتحرش ونشك ان الباقي فاهم أصلا يعني إيه تحرش؟

2- 50 % رد فعلهم سلبي

3- 64 % بتخاف تحكي لأهلها !!

وسألواالشباب رد فعلهم لو شافوا ولد بيتحرش ببنت

14 % منهم قال "ماليش دعوة "

34 % قال هتدخل لكن بشرط تكون محترمة !

20 % قال لو شكلها مش محترم هعاكس معاهم !!

طب عايزين ايه من الحملة .. او ايه اهدافها ؟؟؟

منقولة عن كلامهم ع الجروب ع الفيس بوك

- عايزينك تعرف إيه هو التحرش ؟

- عايزينك تتعلمي إزاي تتصرفي لو حد ضايقك في الشارع

- نفكر كلنا في طرق مبتكرة تحمي بيها البنت نفسها

- عايزين الولاد يعرفوا قد إيه الحكاية دي مؤذية لكل بنت

- نرجع تاني نخوة ولاد البلد لما كان واحد يشوف بنت بتتعاكس

- عايزين الأهالي تعلم بناتها إزاي تتصرف ويكون ليها رد فعل لو اتعرضت لأي حاجة في الشارع

- عايزين الأهالي تفهم ان البنت ضحية مش عشان اتعاكست يبقي لازم تكون هي السبب

- عايزين قانون واضح ضد التحرش عشان من حقنا كلنا نعيش بحرية.........!

- ويمكن نتستغني عن ده كله

لولقينا من تاني نخوة ولاد البلد...الشهامة ...الجدعنة...الدم الحامي ...باختصار معنى الرجولة !

طب أزاى كل دا هيحصل ؟؟؟

هنعمل لقاءات شبابية هنتكلم فيها عن كل حاجة ...

وهيشاركنا فيها متخصصين في الطب النفسي والدفاع عن النفس وحقوق المرأة.

- انتاج فيديو كليب يشارك فيها الشباب والنجوم.

- هننزل الشوارع

- الجامعات

– الكافيهات وفي كل مكان ...

طب ايه المطلوب مننا عشان نساهم فى الحملة دى ؟؟؟

- تشاركنا..

تقول لكل أصحابك ..

اكتب معانا في مجلةكلمتنا...

شاركنا بتجاربك..أراءك ...

شاركنا في لقاءتنا الشبابية وورش العمل اللي بنظمها خلال الحملة...

عايزين نوصل بالجروب لأكتر من مليوووووووون شخص..

عشان نآثر بجد ...يلا محتاجينك معانا مجلة كلمتنا

--------------------------------------------------------------

انا قلت لازم اتكلم فى الموضوع ..دا

بجد كنت عايزة اتكلم فيه من زمان أوى ...

كنت بتكلم انا وواحدة صاحبتى فى حاجة زى كدا ... من شهرين تقريبا ..

وكانت بتحكى لى عن واحدة صاحبتها ...

اتعاكست ... بس بطريقى ضايقتها اوى ...وكدا ..

أنا كان ردى ..

ان البنات هما الى بيبدأوا ...يعنى البنت طالما محترمة ولابسة محترم ...

مهما كان الولد مش كويس ...أو بيستظرف ...

هيتكسف يعاكسها أو يضايقها ...

وكان هى رأيها ... انه ليه لا ..؟؟؟ ان الولاد هى اللى تغض بصرها عن البنات حتى لو مش لابسين خالص ...

وان الولاد هما اللى غلطانين وهما اللى بيبدؤا وكدا ...

النهاردة بقى سمعت فى البرنامج برضه انه ...

اتعملت دراسة .. على نوعية البنات اللى بيتعاكسوا ...

وكانت على ست انواع ( دا على حد قول اللى عملت الدراسة)

وجدوا ان أكتر نوعين بيتعاكسوا فى الشارع المصرى ....

هما النوع الخامس : المحجبات .

والنوع السادس : المنتقبات .

يعنى المشكلة فى مين دلوقتى ؟؟؟ ولاد ولا بنات؟

طب لو نوع المحجبات فيه كلام شوية .. انه مش كل المحجبات محجبات فعلا والكلام دا

طب المنتقبات .. ياجماعة ؟؟ مالهم ؟؟

طب ايه المطلوب من البنات فى رأيكم يا شباب عشان ....مش تتعاكس ...

ولا انت مش فى رأيك انهم مطلوب منهم حاجة أصلا؟؟

وانتن يا بنات ... شايفين ايه؟؟؟ مين اللى بيبتدى بالغلط؟؟

مستنياكم ...

سلاااااااااامز

Urs

MeMe

هل حقا فاقد الشيء لا يعطيــه؟؟!!

سلام عليكم ورحمة الله وبركاته

وبعد...

قد

قالوا فاقد الشيء لايعطيه...

فهل حقا فاقد الشيء لايعطيــه؟؟

أم ان فاقد الشيء أكثر من يعطيــه؟؟

ما رأيكم ؟؟

لنبدأ

برأيى

أنها مسألة نسبية

أقصد ان الرأيين صواب ولكن تختلف حسب الحالات ..

فمثلا فاقد الشيء أكثر من يعطيه.. فى حالة المشاعر والحب والحنان والعطاء بوجه عام ..
فحينما نشعر بفقدان احساس ما..

فنصبح اكثر مايكون معرفة بذلك الألم.

الذي يخلفه نقص الشعور بوجود

فنجد مثلا الولد الذى فقد أحد أبويه وحرم من حنانه ..
يكون فى غاية الحنان والحب ورحمة..بكل الأطفال

ونرى ان من فقد الحب او واجه آلاما ً بسببه
يسعى دائماً ليكون افضل مايكون مع كل من يحبه بعد ذلك.

وكثيرا مانرى ..من تجرع ألما وحزنا فى حياته..

يسعى بكل جهده أن لا يتذوق أحد من مرارة هذا الحزن والضيق.

وكذلك المريض بعد شفائه

نجده اكثر حنانا وأسرع الناس مساعدة لأي مريض يقابله

ولكن علينا أن نذكر انها أيضا نسبية وعلى حسب صفات البشر

فمن المؤكد ان كل منا له طبيعته الخاصة

وعلى الجانب الأخر

فاقد الشيء لا يعطيه أيضا فى كثير من الحالات

فمثلا :

فاقد العــلم لا يملكه فلا يستطيع ان يعطيه

ونرى فاقد الخلق لا خلق لـــه فمن أين يفعل ؟

وأيضا فاقد المال لاثروة ولا فــائض لــه فمن أين يعطــى؟

فهل توافقونى رأيى ام ان لكم رأى أخر؟

وماذا كان قصد من قال هذه الجملة ؟؟

أكان يقصد أ ن العطاء عبارة عن كمية من الاحساسيس والمشاعر التى تقل كلما اخدنا منها؟

وكلما اعطينا.. فقدنا.. ويستمر النقصان كلما اعطينا.. فينضب ولانستطيع العطاء بعد ذلك.؟؟

وهل لكى نعطى يجب ألا نكون نمتلك احساس الفقد بداخلنا للشيء الذى نريد إعطائه؟؟

منتظرة رأيكم فى الموضوع وأرائكم فى المضمون ...
سلاااااااامز