انا والبريسنتاشن..

ان ان اااااااااه .. (موسيقى تصويرية وكدا ) اليوم دا بادئ عندى من اليوم اللى قبله ..
على فكرة .... خلاص حطيت نفسى فى المود بقى ..
وبجهز انا ازاى هشرح بكرة ؟
- هتشرحى بكرة !! ؟؟ هتشرحى ايه يعنى ؟؟
- ايواان انا هشرح بحث فى مادة الاساليب (بين قوسين الاملاء)
- طب خير مش دى المادة اللى بالعربى اللى بتتملوا فيها فى المحاضرة دى؟؟
- ايواااان ماهو المهندس بتاع السكشن طريقة المحاضرة ماعجبتهوش
وفكر ازاى يخلينا نستفيد من السكشن(وياريته مافكر )
فطلب مننا كل شوية يكونوا مجموعة ويختاروا موضوع بحث ويتكلموا فيه .. وحد هيطلع مكانه يشــــــرح .
- ايواااااان ... يعنى رجعنا تانى لـــ ( كل ماتاخد مشاريع وتاسكات وامتحانات واسينمنتات أكتر .. فرصتك فى اللسعان تكبر)
- يــــاه دا انت قديم أوى ياوكيل لاااااا خلاص دا راحت عليه من بدرى ..
مااحنا لسعنا من زا ومان خلاص ..
(دلوقتى بقى ... انت لاسع؟؟مهيث؟؟ .. اذن انت حاسبات .. منوووووور)
- المهم استنى عشان احكى لك .. ايه اللى حصل يومها..
- طيب ياستى صدعينا ..
-من امبارح بقى وانا خلاص مش قادرة اكل .. ومتوووترة ..
ومش عارفة انا هعمل الخطوة دى ازاى ..عمالة اجهز .. الحاجات اللى هشرحها ..
وزهقت منها وومن الكلية وسنينها الفوحلوقى دى ..
وبتخانق مع دبان وشى .. من الصبح ..
لحد ما جيت انام .. وطبعا .. فضلت سنتين سنة عشان انام .. ولما نمت ..
جالى كابووووس خاص باللى هيتعمل بكرة .. واتفزعت وفضلت صاحية لحد الصبح ..
مكنتش طايقة نفسى .. المهم .. لبست ونزلت وكدا ..
ورحت هناك ع الموقف مستنية هبة .. لاقيتها جت بعد شوية والحمد لله انا مكنتش مقفلة .. (ولا انا كنت مقفلة ومش حاسة؟)
أول ماشوفتها كنت بصوت خلاص انى انا اللى هشرح ... وقلت لها .. ايه اللى مقلقنى ;)
مكنش فى مواصلات اصلا ..كالعادة يعنى..
وطبعا البداية مشرقة بالتفاؤل ع الاخر ..
وركبنا حتة ...ميكروباظ بقى .... عجــــــــب لحد دلوقتى مش فاهمة ..
هو يعنيى ياحرام معمول كدا ليه .. هو كان كرسين طوااااااااال ادام بعض كدا..
مش صفوف زى اللى متعودين عليه ..
قلت لها بس ..اليوم فعلا مبشر ..
الحمد لله ركبنا ..
وانا فى المكروباظ بقى .. وفى القاعدة الغريبة اللى قعدنها دى ..
كنت خلاص هتهور واشرح للى راكبين ..معانا والله ..
بس هبة سكتتنى الحمد لله .. وتراجعت..
والدنيا مطرت اخيرا وانا مش فى البيت :) ..
فضلت بقى ادعى وكدا ومن ضمن الداعاوى اللى دعيتها الصراحة
ان محدش من السكشن يجى ..
غيرى انا وايمان (e_emy)على اعتبار ان انا وهى الجروب بتاعنا اصلانز ومعيد السكشن
والحمد لله .. ربنا استجاب :( ...
السكشن كان متروووووووووس بنى ادمين :(( من كل السكاشن
وصلنا الكيلة بقى .. لاقينا زميلاتى الكرام ..مستنينا ..
على اساس انى هشرح دلوقتى ..يعنى عندى سكشن تجريبى وبتاع
وقفت ورا الكشك الخشب .. وقعدتهم على الديسك المكسور اللى ادام الكشك ..
وانا مش ظاهرة غير ليهم فقط ... وطبعا فضلنا ست سنين على مابدأت الشرح ..
والحمد لله .. بدات اشرح وكدا .. بس سرعان .. ماكان الشرح بيقف ..
نظرا لان البشر اللى بتيجى .. ومش شايفينى دول ..
بيستغربوا من منظر البنات المتثمرين دول ويفضلوا يضحكوا ويضحكونى وكدا ...
المهم مدة الشرح الاولى دى ..كانت بتاع نص ساعة كدا ولا حاجة ..
يتخللها تلت ساعة ضحك والذى منه ..
وطبعا لا أنسى دور الباشمهندزة ايمان درويش لانها كانت بتقوم بدور باشمهندز السكشن.. ;) =))
ونتوجه لها بالشكر والعرفان على هذا الجميل ..
المهم ..بعد كدا البت بسمة ..قامت شرحت ..
ولكل منا دوره الخاص وكدا وبرضه ايمان درويش كانت بتقوم بنفس ذات الدور ..
وبعد كدا البت رنا قامت شرحت مشروعها وكدا برضه..
والست الغالية اونينة جت فالناس مشيت عشان تحضر المحاضرة ..
واحنا فضلنا قاعدين ..
وانا استغليت الموقف ورحت شارحة تانى .. كوسة بقى ..(أو بين قوسين تفرقة عنصرية )
والحمد لله ...حسيت انى شرحت احثن من المرة اللى فاتت وانجزت فى الوقت كمان ..
برضه الحمد لله .. وبعدين ..
حان الان موعد اداء السكشن الاصلى بقى وكدا ..
طلعنا ومستنين السكشن ..
لاقينا الجو بيمطر كنت هموت وانزل طبعا ..
بس محصلش نصيب عشان الباشمهندز خلاص كان طلع ..
وبالمناسبة الحادثة دى حصلت فى معمل2 علوم الساعة 12 يوم 28/10/2008 التلاتاء وطبعا ..
بدأت ضربات قلبى فى الازدياد ..انا كنت حاسة ان البشر اللى حوليا سامعنها :(
والباشمهندز طلب من الناس تقول المجموعات بتاعتها ..
والفكرة العامة اللى اختاروها ..
وواحدة طلعت من السكشن تشرح ..
وخلصت وقال عيوب ومميزات وانا هموت م القلق ..
وقال .. مين تانى رحت رافعة ايدى .. وانا .. نفسى يقول السكشن اتلغى اصلا ..
وعمالة اقول لايمان انى خاايف ..انى خاااايف ..وربنا يستر ..
وحاسة انى لو طلعت ..هعمل زى ما الباشهندز احمد حلمى عمل ..
وهخبط على الكاس وكدا و be attention please وخبطتى يامى؟ وعايز اعمل توست وبتاع
المهم قالى اطلعى .. فقمت ..
فقعد يتكلم شوية .. فى حاجة مشابهة للبحث اللى اتناقش قبلى ..
ياعم الحاج لاحظ انى قمت على فكرة ..
طب انا واقفة والبشر بتتفرج عليا اصلا واخد بالك ولا ايه؟؟
ودا ولا هنا رحت قاعدة تانى لحد ماخلص
ورحت واقفة تانى .. اديته الورق اللى ايمان عملاه ..
وانا مسكت ورقة ..كانت مضروبة بالنار فيها الحاجات اللى هقولها ..
طبعا انا اللى عملت فيها كدا ..
البت كانت جايباها تمام وزى الفل والله بس انا ماسكاها م الصبح طبيعى ان يجرى لها كدا
المهم ...بدأت اشرح .. انا معرفش انا ابتديت ازاى ..على فكرة لحد دلوقتى ...
والباشمهندز اصلا ماسك الموبايل وعمال يلعب فيه ..
فرحان اوى بالموبايل ابو قلم .. خلاص ياسيدى عرفنا ان موبايلك عدل ...
ركز هنا بقى ..موعيدين اخر زمن صحيح
وانا كنت مركزة نظرى مع اتنين او تلات بنات فى السكشن ..
والمرة الوحيدة اللى حاولت .. انتشر فى السكشن كله ..
الحمد لله نسيت اللى كنت هقوله D: ..
واتلبخت حتة لبخة ربنا مايوريكوا وايمان فكرتنى ..الحمد لله
وبعدين بعد ماخلصت رحت قايلة "بس خلاص "
ماانا ماعرفتش اقول ايه اصلا ..
اول تجاربى بقى ياجماعة..
الباشمهندز طبعا اتريقة تريوقة كدا ملهاش لزمة ..
كنت هقوم له والله بس انا ماصدقت قعدت اصلا
والحمد لله أثنى على طريقة الشرح واسلوب الكتابة بس الباشمهندز كان مصر يدمرنى على فكرة ..
يقول كلمة كويسة ...وبعدها على طول ينهال بالعيوب والمصايب اللى جوا الموضوع ..
وبعدين يرفع معدنياتى تانى ..واذ فجاة ...
يخليها مصدية ..
المهم قال اللى فيه النصيب وانا خلااااااااااص عمالة .. اتشاهد وكأنى كنت بحتضر أصلا ..
والحمد لله ..اللى كنت خايفة منه خلاص ...خلص ..وربنا يستر ..
ومايكونش فيه مرة جاااااااية
- يخرب بيتك .. كل دا لك .. دا انتى فعلا صدعتينا ..
- معلش بقى .. ماانا كان لازم اسجل اللحظة التاريخية دى ..يعنى هى هتحصل كل يوم .. دا مــــــــرة فى العمر ;)
- ربنا يستر وماتاخديش عليها بقى ..
- ماشى .. ماشى .. سلامز بقى بالبريسنتااااااااشن .;)
.... طبعا يااخوانى واخواتى ... الكلام دا اتكتب يومها .. بس طبعا النت ..
قام بدوره المعتاد ولسة جاى النهاردة يعنى بعد احداث اليوم بــــ تلات ايام ...D:
دا العادى .. والحمد لله .. مجاش غير بعد ما الامتحان اتقفل ..
وطبعا انا لو هموت بجد .. مش هتكلم مع حد من المسؤلين عن فتح الاسيمنت تانى...
... قدر الله وماشاء فعل .. يلا البقاء لله ....

The First Rain2008

Raaaaaaaain

I love Waking In The Rain

النهاردة الجو مطر ... ودا اول مطر شتاء 2008 ..

وأنا من ..عشاق الشتاء جدا ..

كل مطـــر وانتو بخــــيـــــر

أنا مش فاكرة أول مطر السنة اللى فاتت كانت امتى

بس اللى فاكراه

أنه أجمل ذكريات ..

فى حياتى قبل الجامعة

و

ليا انا وصحابى فى الجامعة ..

بغض النظر عن البهدلة اللى بنبقى فيها ..

بس بيبقى تهيس من الدرجة الأولى ..

( عايزة أقول انه بالرغم انى كنت معاكم النهاردة ...وهيسنا كتير برضه... لكن انتو واحشنى أوووى دلوقتى)

:(

انا للأسف مش لحقت المطر وانا .. هناك ..

بس قدر الله ماشاء فعل ..

ويارب .. اللحظة دى تتكرر تانى .. قريب :)

حبيت بس اسجل أول مطر السنة دى لما عرفت ..

تصبحوا على خير ..

ألف مبروك وعقبال عندكم ..

سلام عليكم ..

الحمد لله بعد بوست الكآبة بتاع المرة اللى فاتت ..

جاية احكى على يوم .. من أجمل الايام بجد .. اللى كلية حاسبات ومعلومات سبب اساسى فيها..

النهاردة كان خطوبة هبة صاحبتنا ... وزميلتنا فى الكلية ..

واللى واحدة من اجمل الناس اللى عمرى ماكنت هعرفها غير من الكلية

أجدع سلام لحاسبات يابشر

بداية اليوم .. هبة اتصلت بيا تقولى لى ع الميعاد اللى هننزل فيه وكدا.. وطبعا توصية انى مش أتأخر كالعادة

بس اللى مش عادى انى فعلا ماأتأخرتش والخمستاشر طرحة اللى بلبسهم .. اتلبسوا على طول وفى ميعادى ..

بس طبعا لااااااااازم اروح لها متأخر .. ماما أخرتنى ..

البت كانت هتولع فيا بجاز .. بس الحمد لله ..جت سليمة ..

ركبنا .. لسندوب مع سواق وتباع كارهين نفسهم .. بس كنا بنعدى الموضوع .. والحمد لله وصلنا ..

وفضلنا واقفين .. مستنين حاجة تودينا .. لمركز التجمع ( بيت رضوى ).

الحمد لله .. ركبنا برضه .. ووصلنا .. وأجمل حاجة بقى فى الموضوع ...

اننا ركبنا المعدية . D:. وماأدراكم ما المعدية فى وسط النيل يعنى انا فى وسط المية بليل ..

كنت .. هطير م الفرحة بمووووووت فى البحر بجد .. وطبعا انا وهبة .. كنا متظبطين ع الاخر ..

طبعا .. متأخرناش ع البنات اللى كانوا مستنينا ولا حاجة اطلاقا البتة ياجماعة وهما يشهدوا بكدا ..

( ولا ايه.يابنات؟؟ دا حتى توقيت حاسبات )

ووصلنا لهم وكانوا كلهم عسسسل وتجمعنا كان روعة والله

و..كان فى شوية لسة مجوش .. فضلنا واقفين مستنينهم وكدا ..

وبعدين ركبنا مكروباص .. كنا كأننا طالعين رحلة بجد .. ماشاء الله .. كنا فرحانين اووووووى بتجمعنا كدا مع بعض ..

بس برضه كنا زعلانين عشان ناس كتير مش جت.. وفرحتنا كانت ناقصة من غيرهم . (هما عارفين نفسهم طبعا وحسابنا بعدين )

طبعا وتقريبا ..رضوى اللى عارفة مكان البيت وكدا ... وكنا على وشك اننا نتوه احنا والمكروباااااااااااظ .. بس الحمد لله .. وجدنا النور على بيت العروسة ..ووصلنا

فضلنا واقفين نتمرمط شوية ..من العيال الغريبة اللى فى الشارع .. عليهم شوية غلاسة وحبة رخامة عجب ماشاء الله ..

SS فعلا ...

المهم ثوية والبت هبة جت ..

ماشاء الله كانت قمـــــــــر بجد .. كل حاجة عسولة الفستان والميك أب كله كله ..



وجت فى ميعادها ومش أتأخرت والله ماشاء الله

ومامتها وكلهم كانوا زى العسل والله .

وسلمنا بقى واتصورنا .. وكان فى بت كدا فى الشارع ..بين قوسين طفلة .. فى منتهى الرخامة .. حسبى الله ونعم الوكيل ..

كانت عايزة الدبح بس ايمان ظبطتها .

هبة لبست الشبكة .. وكله تمام .. وفضلنا قاعدين معاها شوية ..

وبعدين رحنا راحين لبتاع الدى جى .. عشان يخلص الليلة .. عشان نقعد معاها .. فوق شوية .. قبل مانمشى ..

وطلعنا ..وبهدلنا الدنيا الحمد لله .. حاسبات بقى ;)..

وطبعا طبعا .. الفريق الحاسوباتى كله اللى كانوا هناك .. قرصها فى ركبتها ..

واتصورنا معاها تانى ..

وكان نفسى ترمى الفوكيه وكدا .. بس نسينا نقول لها ..

ومشينا بقى .. بس والله كلنا ماكنا عايزين نمشى خاااااالص

والحمد لله المواصلات كانت تتحسد النهاردة .. ما اتمرمطناش غير نص ساعة بس عشان نركب ..

تتكتب فى موسوعة غنيس ..(بتتكتب كدا باين؟؟)

وطبعا انا قاعدة بقالى يطلع .. ساعتين من ساعة ماجينا ..عشان يتبعت لى الصور ..ع الميل ..

لكن لاحياة لمن تنادى ..

وان شاء الله اليوم يكمل عندنا بنفس ذات الفرحة ياااااااارب



وعقبالكم كلكم ياللى هتقرؤا البوست ..

ربنا معاكم هو طويل أه .. بس بجد ..اليوم كان تحفة ..وحاسة انى قلبته وماقولتش حاجة على فكرة ..

كان نفسى مايخلصش وماابطلش كتابة والله ..

بس خلص..

تصبحوا على خير ...



عقبــــــــــــــــال عندكــــن وعندكم برضه ..:)



سلاااااااااااااااااامز

سألت نفسى ...

عمرك سألت نفسك الاسئلة دى ؟؟وجاوبت عليها .. على طول؟

- انت مين؟

- بتحب ايه ؟

- بتكره ايه؟

- ايه اللى بيفرحك؟؟

- ايه اللى بيحزنك؟؟

- ناوى على ايه؟

- بتفكر ازاى؟

- بتحلم بمين؟

-شايف نفسك ازاى؟

- انت صح ولا غلط؟

- الصداقة يعنى ازاى فى وجهة نظرك؟

- ايه اللى محتاجه فى حياتك؟

- اكتر حاجة مهمة فى حياتك ايه؟

- بتتقبل النصيحة ؟؟ ولا بيكون ايه موقفك بالضبط؟

- بيهمك رأى الناس ؟

- الناس شايفاك زى ماانت فعلا ولا بصورة تانية انت مش عارفها؟

- رأيك فى الناس بتقوله بصراحة واللى فى قلبك بتقوله ولا لا؟

- مجاملة الناس .. بتعتبرها نفاق؟

- ايه موقفك وانت بتعمل حاجة غلط أو حتى بتفكر تعملها..

بتكون عارف انها غلط بس بتبرر موقفك بأى عذر تانى؟

ولا بتكون عارف انها غلط وبتتلذذ بأنك تغلط؟؟

ولا مابتكونش عارف انها غلط اصلا؟

- امتى بيبقى نفسك تعمل حاجة أوووى ومابتقدرش تعملها؟

- عمرك حسيت بضعفك؟؟ لو أه امتى؟

- وامتى برضه بتكون اقوى مايكون؟

- ياترى لما بتكون زعلان أو متضايق .. بتحاول تطلع من اللى انت فيه؟ ازاى ؟و ليه؟

- عمرك قلت لنفسك ...انا مش مكتوب لى الفرح ..؟؟ وامتى؟

تصدقوا انى .. مكنتش ناوية اكتب خالص ... وكنت فى طريقى انى امسح البلوج خالص اصلا؟

:( وهطفى الجهاز وأنام وربنا

بس مش عارفة ليه كتبت وليه كتبت الاسئلة الغريبة دى ..بس ...بقيت اسألها لنفسى كتير ..

وانتو؟؟

الغنوة دى بقى من يوم ماسمعتها وهى معلقة معايا جدا ..

سألت نفسى كتير مارسيتش يوم على بر ..

انا اللى فيا الخير ولا اللى فيا الشر ..

مليان عيوب ولا خالى م الذنوب ولا ؟؟ ولا ايه؟؟

ولا انا جوايا .. ومش دارى باتنين فى بعض؟؟

وخمسوميت حاجة وملهومش دعوة ببعض ؟

انا مين وفين انا ايه؟؟

مفروش طريقى بورد ولا الزمان دا انا فيه أضعف واحد ع الارض؟

انا اللى فيا الخير ولا اللى فيا الشر؟

سألت نفسى كتير ..

مارسيتش يوم على بر...

طبعا الكلمات ..

لــ

أيمن بهجت قمر ..

وسلااااااااااامز

MeMe