إمتحنااااااااا.!!..

امتحنااااا ....

وابتديــــــــت شديت فى شعرى وأقول ياريـــــت ...
كل ترم يعدى أصعب ..والميد ترم أصعب وأصعب ...
كل يوم على نفسى بصعب ..أنى أنا ..أد ايه خســــــــــييت ..
امتحنااااااااااااااا....وابتديــــــت.....
أشد فى شعرى وأقول ياريـــــت ...
كل ترم يعدى أصعب ..والميد ترم أصعب وأصعب ...
كل يوم على نفسى بصعب ..
أنى أنا ..أد ايه خســــــــــييت ..
ياريتنى قبل ماخدتهاااا .. انا ...كنت ..مت فى وقتهااااا ..
او حتى كنت حرقتهااااا ..أدينى جيت ..أكتب نســـــييـت...
أدينى جربت أنى أحل ...أدينى ...بتخيل بجد ...
ومن هباب لـــ هبااب أشد ..وبالأماااااااانة أنا اتشلــــــــيت ...
تيرارتيراااا ....

ايه جرااالى ؟؟ لحظتها ايه ؟؟ كنت نااااااااايم نااااااسى ليه؟؟
1000 ليه ؟؟ وازااااى...حسبته ..ليه ضربته وليه قسمته ؟؟...
بعد ماحليت إجابته ..جيت دلوقتى ..شطبته ليــــه؟؟؟
و ياريتنى ..قبل ما خدتها .. أنا ...كنت ..مت فى وقتهااااا ..
او حتى كنت حرقتهااااا ..أدينى جيت ..أكتب نســـــييـت...
أدينى جربت أنى أحل ...أدينى ...بتخيل بجد ...
ومن هباااااااب لــــ هبااااب أشد ..وبالأماااااااانة أنا اتشلــــــــيت ...
تيرارتيراااا ....

حقوق الملكية الفكرية للأغنية الاصلية ...
محفوظة ..
للمؤلف ..
بس أما اتاكد من اسمه هكتبه هنا ...
ولو حد يعرف ..يقول لى برضه
ينوبه ثواب فيا ..
بس دى بس ...أثر الامتحان ...
مش عارفة ايه اخرة اللسعان دا ...
ربنا يستر ..
:(
MeMe
سلاااااااااااااامز

حتة عيـــل !!

مبدأيا ..
وربنا انا كنت ناوية .. انى مش هكتب حاجة الاسبوع دا ولا هدخل البلوج من اصله ...
بس ..الاحداث هى اللى ..بتتضغط عليا عشان اتنيل اكتب ....
موضوعيا بقى ..
انا عمالة اكتب وامسح حاجات من ساعة ماجيت م الجامعة ..
ع اللى حصلنا فى الامتحان اللى مفروض ميد ترم ...كقسم اى تى ..
بس بجد ... انا مش هكتب دلوقتى ... غير نقطة واحدة ..
و دا أقل ما يقال على شخصية ..زى الأخ ..بين قوسين (دكتور )
انا كنت عارفة من أول يوم .. انه جواه بلاوى وعنده بارانوياا ... ومعقد وربنا يشفيه ..بس الجديد بقى ...
انى كان نفسى ما أقولش عليه
عيـــــــــــــــــــــــــــــــــــــــــــــــــــــــــــــــــــــــل ....
بس ... ابقى بظلمه اذا مش اديته اللقب دا ..هو يستاهله بجدااارة ... والله ...
بس برضه مع الاعتذار للعيل ..
يلا مبروك عليك اللقب يا باشمهندز ... تؤتؤتؤ....- ازاى تقولى باشمهندز- ...
عيب كدا ..دا دكتور ...بس صغنن شوية ... اصله واخد الدكتوراه وهو لسة صغير عشان كدا ...
زمايله بيحقدوا عليه ...يعينى ياحرام ..
ما غلطتش انا اهو ... هو اللى قال بنفسه ...
يبقى عيل ولا مش عيل ..؟؟
حسبى الله ونعم الوكيل ...
أشوف فيك ست سنين ياللى فى بالى ...
منك لله ...

ختامها مسك ...عيد ميلاد...مين....؟؟؟ *-:

احم أحم .. ماشاء الله يعنى .. الشهر دا .. مليان ..مناسبات حلوة ...وجميلة ...
بس النهاردة بقى .. مش مناسبة حلوة ...اطلاقا مطلقا البتة ...
هى أحلى مناسبة اصلاااااااااا ...
وأجمل مناسبة كمان .. يلا ان شاء الله ماحد حوش..
زى النهاردة من عشرين سنة ... يابشر .....
كان .. ميلاااااد ...
بنت ...زى القمر ...
من أفطن وأعقل الشخصيات اللى عرفتها فى حياتى ...
دا غير طبعا خفة الدم ..
والشياكة والجدعنة ..اللى بجد ..
بنت محترمة .. وخلوقة ...وخجولة ...
وحاسوباتية جامدة جداااااا ..جدااا ...
وان شاء الله اشوفها ...زى ما بتتمنى ياااااارب ..
المهم انا بجد اذا فضلت اوصف فيها من هنا لبكرة ..
مش هكفى حقها ابداا..
ولا هكون قلت ..واحد على مليون .. من اللى تستاهله...
وبجد من أكتر البنى أدمين .. اللى بشكر ربنا أوووى انى عرفتها فى حياتى ...
وربنا ..يخلينا لبعض .. ويخليها لى ..
ايه دا انا كل دا ماقولتش ..هى مين؟؟؟
النهاردة ياجماعة .. عيد ميلاد ...
الباشمهندزة .. ايمان ..بنتى
احم احم ..
ايمان درويـــــش ...
(تصفيق حاااااااااااااد)
بعدها على طول
(تصفييييييييييير حاد)
عايزة اقول لها .. فى هذه المناسبة ...
وبعد مرور... عشرين عام على التوازى ...
من يوم مانورت الدنيا ....
أولا انك مش هتتطعمى معانا ..ياختى ..
وبعدين بقى ..
كل سنة وانتى طيبة ياأحلى حاسوباتية ..
عقبال كدا يارب .. ..زى دلوقتى السنة اللى جاية ..
على طوووول اشوفك فى الكوشة ...
واجى اقرصك فى ركبتك.... وأروح مدمعة وأقول لك ...
الحمد لله ان ربنا مد فى عمـــرى عشان افرح بيكى قبل ما أموت يا ايمان يا ضنايا ... ..
(الست أمينة رزق .. فى فيلم الخطايا) ..
وأمسك المايك فى الفرح وأغنى لك ...
مووووش عاوووزة غيرك انت .. ;)
وربنا بحبك انت ..والباقى انتى عارفاه وهكمله لك فى الفرح بقى :p
ماعلينا ..
والسنة اللى بعدها برضه فى نفس ذات الوقت ..
أشوفك وانتى قاعدة فى غرفة المعقدين ... احم احم (البلوج متراقبة )..
اقصد المعيدين طبعاا... شايلة اللاب توب ..
والواد احمد اخويا ..أدامك عمالة بتشرحى له ..
وتقولى له .. افهم يابنى بقى ..طلعت عينى ..
(على اساس انه هينور حاسبات بعد ما انا أمشى منها ان شاء الله) ;)
وابقى عامليه كويس يابت انتى ...
والسنة اللى بعد بعدها ..بقى اشوف ولادك ...وهكذا دواليك دواليك ..
وعايزة اقول لك .. ربنا يسترها معاكى ومعانا ..
فى الاسبوع اللى جاى دا هون ..
وانا والبنات ان شاء الله نحتفل بيكى ...
مع بعض فى الكلية ..
بس بعد أحداث الحرب ..
والاسرى وكدا ماتنتهى ..
ان شاء الله..
.. وسأترك المنبه ..احم احم ( يادى النيلة) ..
المايك فى ايد باقى الجماهير العريضة ..كى ...
يحتفلوا ... باأحلى الحبايب ..
أنا تقريبا نمت ... أو كدا...>>

أشوفك على خير بكرة ...

بقى سلااااااااااامز .. بالجاتووووه..والتورته وكدا...

تخاريف ...أو شخبطة ..يجوز برضه

سلام عليكم ورحمة الله وبركاته
كنت عايزة اتكلم فى كذا حاجة بس مش عارفة انا هقول ايه فيهم اصلا ..
وهما ملهومش دعوة ببعض اطلاقا مطلقا البتة ..
فقررت أخطفهم هنا ..
كنقط كدا وخلاص ..
--------- * سمعت انه خير اللهم اجعله خير البلد بتتباع؟؟؟!!
ومش قادرة استوعب الفكرة ..
لما استوعب اكيد هكتب باستفاضة ان شاء الله ..
------------------
* عايزة انزل بوست فيه شخابيط 3 بقاله ست سنين معمول..
ومش عارفة انا مابنزلوش ليه؟؟..
أنا مستغربانى على فكرة ..
-------------
*عايزة ألبس شتوى ..
ومش عارفة .. انا مبسوطة بلبس الصيفى ليه ..
مع انى ساعات ببقى بردانة ..
بس برضه ببقى فرحانة بالبرد..
ماعلينا
-----------
* هموووووت والجو يمطر .. النهاردة ...
كنت بترجى الدنيا عشان تمطر ..
وانا فى الجامعة .. بس مامطرتش بقى للأسف...
--------------
*كان عيد ميلاد مامتى النهاردة .. وما احتفلتش بيه ...على غير العادة ..
-----------------
* هتشل من منظر البشر فى الجامعة بجد...
اللبس ..
بقى موضته رجالى وحريمى فى نفس ذات الوقت ..
دا غير طبعا ان معدش فى حاجة اسمها حلاقين تقريبا...
وفولتات الكهربا زادت أوى
سواء فى الطرح اللى طالعة فوق دا محدش بيقول لها رايحة فين ..
ولا فيما يسمى بالـ سبايكى تقريبا؟؟
وانا كدا ماقولتش حاجة
------------------
* اسبووووووووووووووع طحـــــــــــــــــــــــن للإمتحانات ...ادعولنااااا كلنا ...
---------------
* الأهلى كسب .. بس انا مش عارفة هو كسب بطولة ايه بالضبط ..
جهل بقى ..
بس
أكيد الف مبروووووووك
-----------
* جايين اخر الترم وقبل الامتحانات .. ويغيروا لنا معيد سكشن.. ومش هتكلم ...
-------
* مش عارفة ليه حاسة
انى ان شاء الله همسح البوست العبيط دا ...
---------------
منـــــــــــــــــــــــــه لــــــــــــــــــــــــه
و حسبى الله ونعم الوكيـــــــــــــــــــــــــــــــــــــــــــل
أعتقد انا بقيت شطورة .. ومش بتطولى .. فى البوست اهو..
يلا
سلامز ياعثلز
برضه ...

عيد ميلاد النونه

السلام عليكم

اولا انا مش ميمى

ايوه انا مش ميمى..وسارقه بلوجتها من وراها :p

وبما ان لسه يومين بس على عيد ميلادها ....

وده مش يوم عادى ..

ده عيد ميلاد البشمهندزه ايمان..يعنى ايمان حسن ..يعنى ميمى ..يعنى ماى هيرو

يعنى عيد ميلاد واحده من اكتر واقرب الناس لقلبى

اللى بجد فرحانه انى عرفتها وكل يوم بقرب منها اكتر

حد طيب جدااا.. محترم جدااا..خدومه جداا..حساسه جدااا

ومن اكتر الناس اللى عرفتهم اللى بيحسوا باللى حواليهم بجد حتى من غير ميتكلموا

وقت الهزار تلاقيها اكتر واحده بتضحك وتهزر وتلعب..ووقت الشغل مجتهده جداا..ووقت النكد برده بتديله حقه (اسألونى انا):d

دايمآ بتكون عارفه انا جوايا ايه ..على طول مراقبه افكارى :d

بحس انها قريبه منى فى طريقة تفكيرى ونفس الطباع

ده غير ان احنا الاتنين ماعدش بينزل مننا كتير فى السوق ..الحجم ده بجد خلاص معادش موجود

حد استحملنى كتير ..وسمعنى كتير وبجد مهما قلت مش هاقدر اوفيها حقها

ربنا يخليكى ياميمى

وكل سنه وانتى طيبه

وكل سنه واحنا كلنا مع بعض

ومافيش حد يبعد مهما حصل

كل سنه وانتى يارب فرحانه ومبسوطه وتكون سنه حلوة عليكى ..واشوفك حاسوباتيه اى تيهيه كده منورة الدنيا

واشوفك عروسة كده وافرح بيكى ان شاء الله

معلش كان نفسى اعملك احتفال احلى من كده ولو انه بدرى شويه بس عشان مضمنش الظروف والجهاز عندى بايظ للافس ;)

ويارب متكونيش زعلانه منى فى حاجه كده ولا كده ومخبيه ;);)

وفى الاخر :احب اسمع اغنيه كل سنه وانت طيب ومن قلبى قريب

والسنه دى معايا واللى جاى ويايا

يااحلى الحبايب ..ياسكر ودااااايب

ياكل الحبايب ..كلك خير وطيب

كفايه كده ..ونقط :d

ادعى الجهاز يتعدل بقى :)

happy birthday ya MeMe..from your friend

BosyCat..

BTW:ana bardo 3araft elnas 3an ur BD 3ashan teb2a tzawary eltaryee5 3almontada kewayes ;);)

salaaaaaaaaaaaaamz :-*

ظاهرة فى تالتة حاسبات

بوست النهاردة ..له علاقة بالبوست اللى فات ..
مش عارفة فى ظاهرة غريبة وموحدة فى حاسبات اليومين دول ..
بغض النظر يعنى عن شنط اللاب الفاضية الكتير اللى بقت فى ايدينا ..
وعلى رأى الباشمنهدزة اللى مش هكتب اثمها هناالا اذا قالت ..
"حلم اللاب توب يبدأ بشنطة ".
وبعيدا برضه ..عن ان كل حبة قاعدين مع بعض
ولو قربت منهم تلاقيهم ..
لااااااااازم يقولوا فى وسط الكلام
(" مشروع ,usecase, بريسنتاشن , مش فاهمين حاجة, حسبى الله ونعم الوكيل , ومؤخرا الامتحان امتى وكدا ")
دا بقى مش هدخل فيه النهاردة خااالص
الموضوع بقى ..
انى كل مااعدى على سكشن شغال ولا انظر نظرة عابرة من ورا الباب اوكدا
الاقى خير اللهم اجعله خير .. المعيدين قاعدين .. وموقفين حد من الطلبة اللى فى السكشن بيشرح ..
يادى النيلة ..
هو فى ايه؟؟ كل الدفعة؟؟وكل الاقسام؟؟وكل المواد فيها ..بريسنتاشن؟
أه ..حصل ..
بس والله انا لما فكرت فيها لاقيتها حاجة زى الفل ..
ولو نعرف بس كلنا نستفاد منها..
تبقى حاجة كويسة جدا ..
وياسلام بقى لو كل واحد اتمرن بنفسه ع الموضوع دا
وهو بيتمرن ياخد شوية soft skills
عشان البريسنتاشن دى وكدا .. تبقى الاستفادة صح الصح .. زى بريذيدوون كدا ..:) ..خفة..أنا ..D:
بس اللى صعبان عليا .. فى كذا سكشن ورا بعض .. ادامى وكدا
عمو أمين المعمل .. بيبقى سايب المعمل ويمشى فى ايد معيد معروف هويته ..
لو المعمل جرا له حاجة ..يبقى فى واحد مسئول ادامه ..
وطبعا زى ماحنا عارفين ..
المعمل دى يعنى اجهزة ..
ولازم ماتكونش شغالة ياما متفيرسة هما بقى بيخافوا الطلبة لما تقعد عليها تشتغل أو الفيرس ينتشر
ماعلينا نرجع تانى للموضوع
الراجل
يجى تانى عشان ياخد الغياب ولا حاجة
يلاقى حد من الطلبة هواللى بيشرح .. لسة هيزعق ويقول فين المعيد اللى سايبه معاكواا انتو كلتوا ولاايه؟؟
يلاقى اذ فجاة .. المعيد قاعد .. بيتلقى الشرح من الطالب ..
وبيعزم عليه كمان ..انه يقعد ..يسمع الدرس من الباشمهندزين
وهنا تظهر ..
علامات التعجب والدهشة والاستغراب والحاجات العجيبة على وش الراجل ..
بجد .. ببقى عذراه وكله تمام ..
بس بفطس م الضحك ..
أعمل ايه .. بجد كل ماا افتكر تعبيرات وشه
مش قادرة امسك نفسى م الضحك
يلا .. انا ماطولتش اهو ..
كل بوست وانتو طيبين .D:
سلاااااااااااامز ..
ياعثلــــــــــــز