أيام الامتحانات ..
الموضوع دا ..كان معمول من ايام امتحانات الميد ترم .. بس مانزلش نظرا لظروف النت ...
فبما انه اسمه ايام الامتحانات ... وبكرة بداية الامتحانات ان شاء الله ... فممكن يمشى ...
كل سنة وانتو طيبين وربنا .. ينصر اخواتنا فى غزة ونبدأ
أيام الامتحانات ... نلاحظ الأتى :
- ارتفاع معدلات استهلاك ... الشاى والقهوة والنسكافيه ..وأبو رغوة .
- أزدياد معدلات النوم ... وأكتشاف الحب المتبادل بينك وبين السرير .
(مع انك اصلا مش من النوع اللى بينام ولا بيطيق السرير فى الايام العادية )
- تهيس ملحوظ من الدرجة الاولى مصحوبا بمؤشرات اكتئاب .
- ارتفاع نوبات ..القولون العصبى
- كثرة الابداعات ماشاء الله تكتشف فى نفسك وفى الناس مواهب عمــرك ماكنت تتخيل وجودها .
- الطريق الجامعة ..بيقصر جداااا .
( تبقى عامل حسابك انك هتذاكر الخماشر شابتر اللى مافتحتهمش دول أو حتى هتراجع عليهم ..
تلاقى الطريق خلص كانك كنت راكب نفاسة
مع ان انت فى العادى اذا نازل متأخر ولا ركبت متأخر ولا حاجة ...
عمو السواق ..بيمشى على مهله خاااالص كأنه خايف على قشر البيض ... والطريــــق بيمـــــوت )
- عموهات سواقين المكروباظات ... مابيحلاش ليهم يشغلوا أغانى بيئة غير ...أيام الامتحانات ...
(تكون قاعد لا بيك ولا عليك ... ومتوتر .. وربنا اللى عالم بحالك ...
تلاقى اذ فجأة حد بيقول ...أنا مش عارفنى أنا توهت منى ...وانا مش أنا ....
ياعم انا ناقصاك ...هى مش طالبة ضياع خالص ...دانا رايحة امتحن شبكات حتى .. :((
وياسلام بقى لما يكون السواق دماغه رايق ... وقاصد ..يرفه على الطلبة اللى معاه ...
وتلاقيه ... مشغل لهم .. أديك تقول مخدتش ...ياناكر الجميل ...وقوووووووول لــــــــــــه ...
ياعم ربنا يكرمك هدى الكاسيت شوية ...وانا مالى يا أبلة انتو ماذاكرتوش طول السنة جايين تذاكرو دلوقتى... )
- أكتر وقت طبعا الدكاترة بيتدعى عليهم .
- البلوجات بتسترزق .. كتير موت طحن فحت .
- المنتدى الترفيهى بينشـــط جداا .
- تبقى بتموت فى التلفيزيون .
( والافلام اللى انت مابتطيقهاش فى العادى ...تعقد ادامها بالساعات ..
دا انت ممكن حتى .. تقعد تسمع أغنية لجورج وسوف ... هروبا من المذاكرة .)
- الناس اللى فى البيت بيوحشوك جدا يا أخى ..
كل شوية تطلع من صومعتك ( أوضتك )اللى تقريبا مابتسبهاش فى الاجازة أو كدا ..
وتفضل لازق لهم ...
وهما طبعا بيبقوا هارشين الحركات القرعة دى ...
ويتجهوا ناحيتك بنظرة كدا منتهى الحنية ... والشماتة
ويقولوا أدخـــل ذاااااااااكر p:
- تبقى لسة واكل ومحلى كمان وكلو تمام ...
تدخل الاوضة عشان تتنيل تذاكر تلاقيك مش مريح نفسك ...
تقوم تانى تقول هشرب ..
مع انك أصلا فى العادى لو هتموت م العطش بتنادى على حد يجيب لك ..تشرب ...
عشان ماتسيبش الجهاز لوحده ..
يا اما ... لو محدش موجود بتموت م العطش عادى مفيهاش حاجة ..
- كثرة الزيارات الاهلية والمعارفية وكل الفئات الشعبية
بتيجى تزورك انت والعيلة ..
مع الاخذ فى الاعتبار انهم طول السنة ...
فى المناسبات والاجازات وكدا .. مابيفكروش فى الزيارات دى D:
تقريبا العيد عندهم .. هو امتحاناتك ..
أو قصدهم يجوا يرفهوا عن حضرتك شويتين تلاتة ..ومفيش مانع يبقوا عشرة
وطبعا بما انك قاعد تذاكر السليدز اللى ع الجهاز ...
يبقى انت بتلعب .. مفيش مانع ...
ان حمادة أو هيثم أو وائل ..أى حد من اللى بيجوا معاهكم دول ...
يجى يقولك
عمو عمو ... شغل لى زوما ...
بدل مانت بتلعب لوحدك كدا .
وتتوالى الأحداث ربنا معانا ومعاكم بكرة يااااارب ... شبكات وكدا :) :(
سلااااااااااامز
26 Yorum var:
=)) w Rabna enty 3asal ya meme :D
ana 7asa enk bttkalmy 3anny Ana :$ :$
هههههههههههه يخرب عقلك ياايمان .والله ضحكتينى وأنا قاعدة تايهة كدهون :(..
سردك للى بيحصل عثل :D
ربنا يستر بس بكرة يعديه على خيييييير كده يارب :((
يا نهار ابيض
الحمد لله
انى خلصت
قبل ما اخلص
ربنلا معاكى
انتى وزمايلك
u r right :)
نسيتى تقولى :
-ممكن الواحده تفضل طول السنه متكلمش اصحابها القدام وفجأة ايام الامتحانات تنزل عليها الحنيه وتحن لصاحبتها من ايام الحضانه وتتصل تسألها عن اخبارها ...
- ممكن الواحد ميبصش للمرايه فى الايام العاديه غير بظروفها لكن ايام الامتحانات لازم طبعا تبصى فى المرايه كل ربع ساعه ومافيش مانع انك كل 6 ساعات تسشورى شعرك وتقلبيه قدام
ولو زهقتى تقصى فيه شويه.. اهو بتطلعى عينه وخلاص
- ايام الامتحانات بتلاقى الواحد ماشى بيضحك لوحده ..فى ايه يابنتى ...اتجننت من اول امتحان ..ميضرش برده
-طول مانتى قاعده تزاكرى كل شويه تطلعى تقولى لمامتك انا نفسى فى الاكله الفلانيه ..مع انك مش بتحبيها ..وطول السنه مامتك بتشد شعرها عشان تاكلى لكن الايام دى لازم طبعا نفسك تتفتح على اكلات غريبه ومش هتاكلى برده
-لازم طبعا فى الايام دى كمان لازم يحصل حاجه (تعب يعنى) الزايده تشد عليكى جايز ...يطلعلك حبووووب فى وشك بشكل مستفز ميضرش .....القولون هايج وانتى اصلا ممتنعه عن الاكل عادى ...كل ده شىء طبيعى ومتوقع
وتتوالى الاحداث ....
لو افتكرت حاجه تانيه هاقولك :D وربنا يستر يافندم
سلااااااااام :*
تحياتي
و تمنياتي ليكي بالتوفيق يارب فى المذاكرة
المدونة حلوة اول مرة ازورها بس حلوة
معلشي كنت كاتبه تعليق و شيلته لانى كنت بسأل فيه على نعكشة
اختلط عليا الامر لما دخلت على المدونة من عندها افتكرتها مدونة تانيه ليها معلش بق الزهايمر
و الشن بقا
تحياتى
هههههه
لأ حلوة بجد الأيام دي .
والله الظواهر دي بتحصل قوي خصوصا بتاعة السرير دي:))
يلا بقى هيروحوا من ربنا فين؟!
ربنا يوفقك ويوفقنا:)
:D :D :D
هو ده القرار اللى انا مستنياه من زمااااااان يا معتــــــــز
وحصل وعل يدى وربنااااا مش حصل ولا ايه
عل فكره عجبانى اوى صورة البت اللى مشلوله دى
انتى مكهرباها ولا ايه يا بت =))
ولا ده من اثر الشبكات عليها
واخيراااااااا يا فندم
الشبكات ما هى الا شوية
Segmants
محطوطه جوه
Packets
محطوطه جوه
Frames
فوق بعض (وش بيشد ف شعره ~x( )
وربنا معانا كلنا بكره ان شاااااااء الله
وربـناااااااا يووووووووووستــــر ( :):
بت اوعى تنسى تسلميلى عل عبدالرحمن ومامته كتييييييير ;)
ههههههههههههههههه
بمووت فيكي انا في ايام الامتحانات :p
بتبدعي يا بنتي اخر ابدااع
الا قوليلي متعرفيش عمو اللي بيغني انا مش انا ده اسمه ايه عايزه اراجع علي الشريط قبل ما اركب الصبح
يلااا كل امتحانات وانتي طيبه :)
ياااه كنت نسيت الحاجات دى
:):)
ربنا ينجحك
:D
ربنا يسترها معانا كلنا في الامتحنات دي
بوست جميل اوي
بالتوفيق :)
هههههههههههههههههههههههههههههههه
بجد ضحكتينى
ربنا معاكم فى الإمتحانات:))
"""ياعم ربنا يكرمك هدى الكاسيت شوية ...وانا مالى يا أبلة انتو ماذاكرتوش طول السنة جايين تذاكرو دلوقتى... )
"""
هههههههههههههههههههه
فكرتينى ....
انتى جايه تتوبى هنا ؟ :P
وميل وحدف منديله.........
يخربيت الانفلونزا وسننها يااختى والنبى وطى البتاع ده شويه
وامانه يا دنيا امانه........
:((
ولا نملك الا الدعاء
وحسبى الله ونعم الوكيل
وان لله وانا اليه راجعون
انتهى :((
بجد ياميمى عسل خالص
انا قاعده بقرألمروه اختى الكلام الى انتى كتباه وقاعدين نضحك
وماما تقول اوموا زاكروا بتضحكوا عليه
بس عسل خالص ياحبيبتى
وهو ده فعلا الى بيحصل
يااااارب يوفقنا بكره كلنا يااااااااااارب
ههههههه لا فعلا داااحنا غلابة خالص وكله بييجى علينا وقت الامتحانات حتى سواقين الميكروبصات
بصى ...
انتى قدامك اختيارين ...
لو مدخلتيش تنامى ..ابقى ادخلى نامى بقى
ماشى ؟
يلا هستناكى تحددى :P :D:-*
الله يخرببيت الام سى كيو اللى جننتنى :-S
بصى خلاص خلاص مش هاجى هنا تانى :D
اخر رد فى البوست ده
mmmmmmm
da3eny arf3 leky el kob3a :D
GOOD words and GOOD points and all of this r really
rabina m3ana fe el sana de ya raaaaaaab
salam
بجد عسل يا بت يا ميمى يخرب بيت التهيس
وياربى كل كلمه بتحصل خصوصا الزيارات دى
الحب حط خلاص فى العائله ولازم يجوا ينور البيت يجى 50 60 ساعه كده
ولا الموصلات
بس النهارده الراجل السواق كان مشغل حاجات حلوه والله
منير وانغام وهانى شاكر وناس كتير حلوه
سبت المذاكره وقعدت اسمع
على رايه مذاكرناش طول السنه وهنذاكر الربع ساعه دى
بس من حق مين وااااائل ده
هو وصل عندك انتى كمان
طيب سلامو عليكو مجدى بقه موجود مع وائل ولا لا
شكلى هيست من اول امتحان
سلامز يا ميمز
حرف (ز) مخصوص ليكى افتكرى الجمايل دى
يا عينى يا عيييييييييينى يا عينى ع الولااااا
بنت يا ميمىىىىىىى
ازييييييييييك يا بنت
ايه الحركات الجامدة دى ؟؟
فعلاااااااااا مبدعة "ون" انتى فى ايام الإمتحانات "ى" يا ميمى
ملحوظة : اللى بين دبل كوتشن دا يبئى التنوين لعلم
اخر اخبارى مع الإمتحانات وأعراض الازبهلال وكل الحاجات اللى انتى كتباها دى
انى حالتى وصلت ل حالة ميئوس منها
واخر التطورات
انى كلت سمنه بلدى بالعيش
:(((
هبئى دوبه يا ميمىىىى ورشاقتى هتروح
:)))))
بس بجد السمنه كانت لسه متسيحه وطعمها جميل
ماما كانت بتبصلى وانا بغطس فيها كإنى مجرمه
وخايفه تكلمنى لا يكون معايا مطواه ولا حاجه
:)))
يلا يابنتى كلنا لها
صباح الخير يا فندم بعد الشبكات
واشوفك ع خير بعد الزفت وير
سلام يا ميمى
عمو عمو ... شغل لى زوما ...
بدل مانت بتلعب لوحدك كدا .
هههههههههههههههههههههههههههههههههههههههههههههههههههههههههههههههههههههههههههههههههههههه
بما اننا فى الامتحانات فاكيد هتلاقينى كل يومين داخلالك بحاجات بتحصل زى مثلا :
- فى الامتحانات بتلاقى البنات حنييينين اووى كل ماتدخل تزاكر تلاقيها فجأة قامت طالعه وقالت لاهلها انا هاعملكم العشاء النهارده
وتدخل تحضر فى العشاء ساعتين وتخلى الاكل طالع ولا كأنه من المطعم
عاملاه بمزاااااااج بقى وبهدوووء
وساعات تلاقيها دخلت تغسل الاطباق او تنضف الشقه طبعا مش لاى سبب غير انها تساعد مامتها اللى صعبت عليها بس
- الايام دى الواحد بيحس انها اخر ايامه وتلاقيه اتحول الى منتهى الطيبه اللى فى الدنيا
وتلاقي الواحده كل يوم تروح تتفرج على صورها مع اصحابها وتعيييييييييييط
فى ايه يابنتى ؟ حسه انى مش هشوفهم تانى :(
وتلاقيها بتتعامل معاهم كانها هتموت بكره ومافيش مانع انها تودعهم وتقولهم اوعوا تنسونى ;)
-الايام دى كمان بتكونى صداقات كتيرة
ليه بقى ؟
فى ناس ممكن متكونيش بتكلميهم غير كل فين وفين ..وتلاقيهم كل يوم فى الامتحانات يتصلوا بيكى
يسألوا انتى زاكرتى ايه ولسالك ايه وكده
طبعا مش لاى سبب غير انهم يعرفوا هما ماشيين صح ولا غلط وسابقينك و لالا
ومافيش مانع انهم يقولولك احنا مزاكرناش لسه ومفتحناش الماده
او يقولولك ايه ده انتى لسه مخلصتيش ده انا راجعت الماده 7 مرات وانتى لسه قاعده ويعقدوكى فى الدنيا وتحسى انك فاشله :-s
وعجببببببى ...
سلااااااام
:D
فعلا والله يا ميمى عندك حق
ولسه البقيه تاتى طول ما احنا فى الكليه دى
حاسبات هنورريك اللى عمرك ما شوفته
ربنا معانا
سلاموز يا جميل
تحديــث :
--------
فى أيام الامتحانات أيضا ...
الواحد يفضل يقول انا .. هعمل كذا وكذا وكذا فى الاجازة ..بيبقى عنده حماس مش طبيعى .. للإنجازات ..والذى منه ..ويدوب الواحد من دول ياخد الاجازة من هنا... ويأنتخ ويقضيها لعب وتضييع وقت من هنا ..
ربنا يســـتر
ايوووووووووووووووووووووووه
ربنا يستر
):
):
):
):
Sen de yaz