سلام عليكم ورحمة الله وبركاته
بقالى قرن ونص عاوزة اكتب هذا البوست ..أو أى بوست ...
على أعتبار انى بس أعبر البلوج شوية ...بس انتو عارفين المشغوليات والبزنس وكدا .
كلام فاضى طبعا ...
انا هنشغل فى ايه...؟؟
هو انا أه مشغولة فى حاجات بس مش عارفة هما ايه ...
يمكن الدراسة ..مشروع وتاسكات
وخطوبة بين قوسين " أختى "
وشوية نكد كدا محترمين ... طبعا دا تحت رعاية ...
ماكينات العكننة المتنقلة ... جمعيات محبى النكد للجميع..
تحت شعار
ليه تتنكد لوحدك لما ممكن تنكد ع الكل.
و وراك وراك ... هنجيبك من قفاك ..
وتروح يمين تروح شمال ..تفتح ايميل أو ماتفتحش ..وراك وهنخليك ماترتحش ..
وحاجة زى الفل ...
عموما ..
أنا أيقنت ... انى مابقتش طايقة خلاص لاحد ولا حتى نفسى ...
ومش هنظبط غير باجازة من البشر ..
ومن نفسى ايضا...ودا اساسى يعنى ..
بجد وحقيقى ..
عايزة اخد اجازة من أى حاجة ممكن البنى ادام يفكر أو ينشغل أو يهتم ...بيها.
دا غير انه مطلوب منى
"فى الفترة دى"
اختار حاجات كتيــــر أوى وكلهم عكس بعض ...
أو بمعنى أصح ملهومش علاقة ببعض
وانا بجد ..مش عارفة أعمل ايه اصلا ..
وانا عاوزة اختار ايه؟؟ وليه؟؟
وكل حاجة بتدخل فى بعضها.. وبتتغير فى ثانية..
ومش عارفة ازاى أخد اجازة من التفكير اصلان ؟
أعمل ايه؟
انا مش هكمل كتابة فى الموضوع دا عشان معدلات الاكتئاب ماترتفعش عند الناس بسببى ..
أكتر من كدا
وكمان لأنى حااالا اتصدمت انه خير اللهم اجعله خير ... يارب
امتحان الميدترم
"المقترح"
بين قوسين
" اللى غصبا واقتدارا هيتنفذ واحنا بس بنبلغكم بالأمر تحصيل حاصل"
يوم 11 أبريل
واحسبوا انتو بقى فاضل كام يوم
انا لله وإنا إليه الراجعون
-----------------------------
نيجى بقى للموضوع الأهم اللى سبته للأخر عشان نحلى بيه وكدا
وكان نفسى برضه الدنيا تبقى متظبطة عن كدا وبتاع ...
وانا بقول كل سنة وانتى طيبة لــ
بنى أدماية ماشاء الله عثولة جدااا ومحترمة جدا ..
ومجتهدة جدا وبحبها جدا جدا .. وحد مهم أوى بالنسبة لى ..
x:
وهى برضه واحدة من الاقرب 4 بنى ادمين لـــــقلبى فى كليتنا المحروسة
وذلك طبعا مش بمناسبة عيد حب ام العمال ..
لالالالالا
دا بمناسبة يوم ميلادها" العشريـــن "
وهى الباشمهندسة ..
e_emy
وفى رواية اخرى ..
7aseb@ Queen
عقبال مايبقوا 200
:) كل سنة وانتى طيبة ومبسوطة وفرحانة ومتفوقة
ومعانا وفاكرانا وربنا ينولك كل اللى بتتمنيــه ويوفقك ..
ويهديك للى فيه الخير ليك دايما اللهم أمين .
وبجد ربنا يخليكى ليا ويحرمكيش منى
:* :* :*
Happy Birth Day To U
saht saht shaaaa
:-p
طبعا البوست دا مش لله والشعب
انا عاوزة الجاتو يابت انتى ...
:-p
سلاااامز
12 Yorum var:
كل سنه وانتى طيبه ياايممممممممممممى
ياارق واجمل بنوته فى حاسبات كلها
بجد ايمان انا بحبك جداااااا والله اوووى خاالص :-*
كل سنه وانتى معانا ياارب فرحانه ومبسوطه وناجحه ومتفوقه دايما وعلى طول من نجاح لنجاح
ربنا يخليكى لينا يارب ونفضل مع بعض دايما :-*
كل سنة وانتى طيبة ياايمى وعقبال 100 سنة :D
وبجد ايمان دى طيبة جدا وهادية وبحبها جداا :) :*
ومبروك يابت ياايمان لنهى اللى زى العسل دى وعقبالك يافندم :D ياللى مشفتكيش النهارده والكارنيه بتاعك معايا يامسطولة :P
وبالنسبة لامتحانات الميدتيرم بجد حاجة زى الزفت وجدول زى النيلة ماشاء الله ..آل مقترح آل ..بجد ربنا يستر والله :((
سلامززز
كل سنة و e_emy طيبة طبعا الاول
بس انا زعلان :( كدة برضو ابقي داخل البلوج و انا مطمن و مش عامل حسابي خالص الاقي خبر و تاريخ امتحنات الميد ترم ادامي هو انا اة مرحتش الكلية بقالي اسبوع بس مكنتش متوقع اعرف التاريخ من هنا بس كويس برضو ان الواحد عرف
كل سنه وانتى طيبه يا ايمى ياحبيبتى
وياارب تكون سنه سعيده عليكى ان شاء الله
وتحققى كل الى بتتمنيه ياارب
بغض النظر عن الجدول
سلاااااااااااااموز
mimi
:*
دى ليكى
وكل سنة وانتى طيبة يا ايمان (مونتى) طبعا
وحقوق الملكية المفروض تكون محفوظة
بس المفروض فى مصر....قصدى حاسبات :p....
بيمشى بالمعكوس
:D
كل سنة وانتى طيبة يا غالية :x
ميـــــــــمى
*: *: *:
ايه الكلام الحلو ده ..
بجد شكرااا جدااااااااااا
انا بحبك جداااا بجد
ربنا يخليكى ليا يارب *:
ونفضل دايما اصحاب ومع بعض كلنا
وانتى عارفه انى مش عارفه اقول ايه (:
ومبرووورك لـ نهى وعقبالك يارب
بالنسبة للحاجات التانيه الى ف البوست
رغم انها كئيبه بس اسلوبك تحفه كعاده وقعدت اضحكك p:
ربنا يوفقك وتبقى دايما مبسوطه ويبعدك عن الكآبهD: ويارب ننجح الترم ده يااااااااااارب (:
سيما و مونتى و دودو وبسمة
بجد شششششكرا جدااا
ربنا يخليكوا ليا يارب
وبجد انا بحبكم جدااااا
يارب نفضل اصحاب
*: *: *: *:
وشكرا جداااااا للبشمهندس Hunikal
يا دزمه ....وربنا ماشى .....امشى بقى يا بت يا ميمى من هنا لو سمحتى ....
وحياه طنط ظاظا هعرفك لما اشوفك
بالنسبه بقى لايمان اللى هى حاسبات كوييييييييييييييييييييين
كل سنه وانتى طيبه يا مامتى :-P قصدى ايمى
وعقبال مليون سنه يا قمر وتحققى كل اللى بتتمنيه
السلام عليكم..
كل سنة وانتي طيبة يا ايمان..
ايمان بجد شخصية مريحة للاعصاب..
الواحد بيشوفها بيحس ان الحياة لسه ممكنة..
بس هيا كل ما تشوفني تبقى عاوزة تختفي مش عارفة ليه كده..
D:
بس بالنسبة ليكي بقى يا ايمان التانية..
مش عارفة اقولك حاجة بجد..
المشكلة ان ده وقت شغل .. بين قوسين طحن..
ولو في حاجة لازم تتأجل فهيا الراحة..
انتي مضطرة في الوقت ده تكتفي بـ weekend
ترتاحي فيها من التفكير..
وبعدين متفكريش في كل الحاجات مع بعض لان ده هيعمل كارثة..
ربنا يسهل..ويستر
سلام يا عسل..
كل سنه وهيا بالف خير
وحلوة اللخبطه اللى فى البوست دا:))
وعاجبنى موووت استايل المدونه
ايموووو
ازيك وحشانى جدا...انا عارفه انك هتتفأجى بزيارتى ..يارب تكون مفاجأه حلوه
اتمنى لك التوفيق انتى وكل صحباتك ويارب الصداقه الحلوه دى تستمر على طول...انتى تستاهلى كل خير
شيماء عبد العزيز
http://shimaa009.maktoobblog.com/
ايمووو ده عنوان المدونه بتاعتى لو حبيتي تنوريها
سلاااااااااامز
Sen de yaz