1st Birth Day NewLook

It's ayear since i started blogging ...

Happy Birth Day My Blog ..

كان نفسى يبقى مودى متظبط عن كدا شوية ..
وانا بحتفل باليوم دا...
لكن .. مش هينفع أخره أكتر من كدا ..
عشان استنى مود أفضل ...
بس كله خير
ان شاء الله
المهم ايها السادة الكرام ..
يوم
21/2/2008
كان بداية دخولى عالم التدوين ..
انا مش عارفة انا دخلته ازاى ...
بس
اهو دا اللى حصل ..
وطبعا زى ماحنا شايفين .. يوم 21 دا كان من تلات ايام باين ..
على مانا فاكرة يعنى ..
وكان مفروض أحترم البلوج اكتر من كدا ..
بس .. أنا أصلى كنت مستنية امتحن فاينال سيسكو
عشان أكتب البوست ..
وأظبط هدية البلوج فى عيد ميلاده ..
ولله الحمد .. بعد عناء .. فى تحديد ميعاد الامتحان من قبل ..
البنى أدام المختص ..
أخيراا
وبعد ما اتحدد حوالى تسعتاشر مرة .. امتحنت النهاردة ...
الحمد لله ونجحت وأحتمال اخد الشهادة .. برضه بناء على محاولات
البنى أدام إياه ..
المهم ..
حقنا للدماء ..
البلوج دى بغض النظر انى بكتب فيها .. فى المناسبات بس ..تقريبا
وكل فين وفين على ما مناسبة تيجى..
بس انا بجد بحبه جداا ..
ومن يوم .. ماعملته غيرنى كتيييير جدا ..
وفرحانة بالتغير دا
بس مش أوى يعنى
p:
المهم بقى
انى بجد بشكر كل حد ..
شرف البلوج ..
بمرورله ..أو رأى ..أو حتى نقد ..
وعن جد ..
مروركم وتعليقاتكم بتفرحنى جدا ..
ويارب ..أكون عند حسن ظنكم فيا ..
ويفضل البلوج منور ... بوجودكم فيه ..
ويارب ..
ميكون فى حد زعلان منى
فى حاجة ولافى حاجات .
وطبعا بما انه عيد ميلاد البلوج الأول ..
وكمان متأخرة ع الاحتفال بيه ..
كان لازم اجيب له هدية ..
فجبت له هدوم جديدة ..
بدل .. السواد اللى كنت مغرقاه فيه دا ..
على الله تعجبه بقى ..
اصله طماع ..على فكرة ..


تفتكروا الهدوم الجديدة هتعجبه ؟
ولا ؟؟

يلا كل واحد يسيب هديته قبل مايمشى ..


وكل سنة وانتو معانا ..

Happy Birth Day My Lovely Blog

سلامز

D:

Happy valentine

سلامو عليكو ..

ازيكو يا زوار البلوج الكرام؟
يارب تكونو منيحين..وبالاجازة اللى خلصت النهاردة متهنين..

وبالفالنتين حاسين ... وبالترم الجديد .. فرحانين ..

ويارب ماتكونوش متغاظين ..من الجدول اللعين ...
ومن اصطباحة زفت الطين ..
وبعد ..
بغض النظر عن التهييس الفظيع..
اللى سبحان الله عكس كل اللى بتؤدى له المسببات الحالية لكن...
أعتقد انى مجتش البلوج غير زيارات طفيفة كدا
من بعد اخر بوست كنت كتبته ..

نظرا ولله الحمد للحالة النفسية اللى كانت زى الفووول ...
احم احم اقصد زى الفل طبعا
محدش يفمهنى صح ..

الحمد لله الاجازة خلصت بحلوها ومرها ..
وزياراتها الخفيفة اللطيفة وحبستها الغريبة المخيفة ...
وأنا والله كنت أأمل أن..أبشركم .. بالعديد .. من التحسنات وكدا...
لكن لعله خير ... وأهو قضى اخف من قضى ..
المهند بقى انه ...
بكرة ان شاء الله ..
او بمعنى اصح النهاردة ..
لأنه دلوقتى الساعة بتاع 2ونص كدا ..
قال ايه ... يوم الحب .. كل سنة وانتو طيبين ..
وطبعا دى المناسبة اللى ..بيكتر فيها اللون الاحمر..
وكل شاب وكل فتاء بقى تلاقى .. جمبهم كدا ..
العلبة الحمرا المغلفة بغطاء احمر .. خوفا من الحصبة..

وطبعا ولله الحمد احنا ملناش دخل بالليلة دى بتاتا
D: وأيضا وفى نفس ذات الوقت وعلى غرار كل ..
عام فى نفس الميعاد ..
هو بداية ترم كديد ..
اللطيف فى الترم دا بقى انه ..
احنا كقسم اى تى ...
هنحتفل .. بكرة .. احتفال .. رهيب باليوم دا ..
مع حبيب جماهيرحاسبات الغفيرة كلهاا ..
واذا بنا سنبدأ اليوم ... بحفلة من نوع اخر ..
لا تقولى الكينج ولا الهضبة والكلام الفاضى دا
احنا عندنا حفلة.. مع بابا أبو سوسو ..
محاضرة ايه بقى ... خيراللهم اجعله خير....
ببص فى الجدول وأحاول كدا أجيبها يمين شمال ...
هيا
Hcl
ومش منزلين ترجمة ...
انا رأيى الشخصى الحقيقة .. انه ممكن يبقى ..مادة ..
حمض الهيدروكلوريك؟

على اعتبار انه هيبقى المشروب الرسمى ...
لمحبى الانتحار .. ان شاء الله ..
وان شاء الله .. مع أول ..تواصل بينا وبين المادة دى هيكون يوم الفالنتين ..

بعدها على طول اذا عشت بعد الصدمة ..
هبقى اكتب اقول ..
الـ Hcl دى طلعت مين بالظبط واعرفكم كلكم عليها ..قصدى بيها..

مشكلتى الوحيدة دلوقتى ... انى احتمال ماعرفش ارحب بالمادة ولا بالحفلة حلو ..
ليه بقى ..

لأن فى ميعاد المحاضرة هبقى نايمة طحن يعنى الصراحة ..
لأنى مش عارفة انام دلوقت ..
نظرا لأن بقالى 15 يوم مابنامش دلوقت طبعا وانتو سيد العارفين

ربنا يستر واحضر الحفلة اصلا اصلا بقى ..
امممم عموما ..
وبغض النظر عن الكلام الغريب اللى بخطرف بيه دوت ..
هى كالعادة بداية مبشرة بالتفاؤل ..
وشكله ترم فل الفل .. وربنا اللى بيستر

happy valenteeeeeen

:D

-------------------------------
بس حاجة بجد بقى .. ريللى وحقيق يعنى ..

أدعولى


:[
--------------------------------
و سلاااااااااااااامز
ياعثلز

:]